1Bathandekayo, lingakholwa omoya bonke, kodwa bahloleni omoya ukuthi bangabakaNkulunkulu yini; ngoba banengi abaprofethi bamanga abaphumele emhlabeni.
2Lizakumazi uMoya kaNkulunkulu ngalokhu ukuthi, umoya wonke ovumayo ukuthi uJesu Kristu weza waba ngumuntu ungokaNkulunkulu,
3lalowomoya ongamvumiyo ngokunjalo uJesu kasuye okaNkulunkulu. Lowo ungowoMphikukristu eselizwile ngaye ukuthi uyeza, lakhathesi usefikile emhlabeni.
4Bantwana, lina lingabakaNkulunkulu, futhi selibahlule bona, ngoba lowo okini mkhulu kulalowo osemhlabeni.
5Bona bangabasemhlabeni; lalokho abakukhulumayo ngokwasemhlabeni, lomhlaba uyabezwa.
6Kodwa thina singabakaNkulunkulu; omaziyo uNkulunkulu uyasizwa; ongesuye kaNkulunkulu kasizwa. Ngalokhu siyamazi umoya weqiniso lomoya wokuduha.
Ukuthanda uNkulunkulu lokuthanda abantu7Bathandekayo, asithandane, ngoba uthando luvela kuNkulunkulu; othandayo uzelwe nguNkulunkulu, futhi uyamazi uNkulunkulu.
8Ongathandiyo kamazi uNkulunkulu, ngoba uNkulunkulu uluthando.
9Uthando lukaNkulunkulu lwabonakaliswa kithi ngalokhu ukuthi uNkulunkulu wathumela emhlabeni iNdodana yakhe ezelwe yodwa ukuba sisile ngayo.
10Uthando lukulokhu, kungesikho ukuba thina samthanda uNkulunkulu, kodwa ukuba wasithanda yena, wathumela iNdodana yakhe ukuba ibe yinhlawulo yezono zehu.
11Bathandekayo, uba uNkulunkulu wasithanda ngokunjalo, lathi sifanele ukuthandana.
12UNkulunkulu kazanga abonwe muntu; uba sithandana, uNkulunkulu uhlala kithi, lothando lwakhe luphelele kithi. Joha 1:18
13Siyazi ngalokhu ukuthi sihlala kuye, laye uhlala kithi, ngoba usinikile okukaMoya wakhe.
14Sibonile, siyafakaza ukuthi uBaba uyithumele iNdodana yakhe ibe nguMsilisi womhlaba.
15Lowo ovumayo ukuthi uJesu uyiNdodana kaNkulunkulu, uNkulunkulu uhlala kuye, laye uhlala kuNkulunkulu.
16Ngakhoke siyalwazi, sikholwe kuloluthando uNkulunkulu alalo kithi. UNkulunkulu uluthando, lohlala othandweni uhlala kuNkulunkulu, loNkulunkulu uhlala kuye.
17Uthando luphelelisiwe kithi ukuze sibe lesibindi mhla wosuku lokuthonisiswa, ngoba njengalokhu enjalo yena, sinjalo lathi kulumhlaba.
18Kakukho ukwesaba othandweni; kodwa uthando olupheleleyo luyaxotsha ukwesaba. Ngoba ukwesaba kulobuhlungu, lowesabayo kaphelelanga othandweni.
19Thina siyathanda ngoba yena wasithanda kuqala.
20Uba umuntu esitsho ukuthi: Ngiyamthanda uNkulunkulu; kodwa ezonda umzalwane wakhe, ungumqambi wamanga. Ngoba ongamthandiyo umzalwane wakhe ambonileyo, angemthande uNkulunkulu angazanga ambone.
21Silawo lumlayo ovela kuNkulunkulu wokuthi othanda uNkulunkulu kamthande lomzalwane wakhe.
Who We AreWhat We EelieveWhat We Do
2025 by iamachristian.org,Inc All rights reserved.
