1Kwathi lapho uSamuweli eseluphele wabeka amadodana akhe ukuba abe ngabahluleli koIsrayeli.
2Ibizo lendodana yakhe elizibulo lalinguJoweli, eleyesibili linguAbija; ayengabahluleli eBerisheba.
3Amadodana akhe ayengahambi ngendlela zakhe, kodwa athanda inzuzo, amukela umvuzo wokuthengwa, ahlanekela izahlulelo.
4Kwasekubuthana abadala bonke bakoIsrayeli, baya kuSamuweli eRama.
5Bathi kuye: Khangela, usuluphele, amadodana akho kawahambi ngendlela zakho; ngakho sibekele inkosi isibuse njengazo zonke izizwe.Dute 17:14
6Kodwa leyonto kayimthokozisanga uSamuweli lapho besithi: Sinike inkosi ukusibusa. USamuweli wasekhuleka eNkosini.
7INkosi yasisithi kuSamuweli: Lalela ilizwi labantu kukho konke abakutshoyo kuwe, ngoba kakusuwe abakwalayo, kodwa bala mina ukuba ngingabi yinkosi yabo.
8Benza kuwe konke lokho abakwenza kimi, kusukela ekubakhupheni kwami eGibithe kuze kube lamhla; bangitshiyile bakhonza abanye onkulunkulu.
9Lalela ilizwi labo; kodwa ubaxwayise kakhulu, ubatshengise indlela inkosi ezakubabusa ngayo.
10USamuweli wabatshela abantu abacela kuye inkosi wonke amazwi eNkosi uNkulunkulu.
11Wathi kibo: Lezi zizakuba zindlela zenkosi ezalibusa; izathatha amadodana enu iwasebenzise enqoleni zayo zokulwa, iwenze abe ngabagadi bamabhiza ayo, lokuba agijime phambi kwezinqola zayo zokulwa.
12Izazibekela kiwo izinduna zezinkulungwane lezinduna zamatshumi amahlanu, amanye azalima amasimu ayo, avune amabele ayo, enze izikhali zayo zempi lempahla yezinqola zayo zokulwa.
13Izathatha amadodakazi enu iwenze abe ngabathaki bamakha, labapheki, labaphekizinkwa.
14Izazithathela amasimu enu, lezivini zenu lezivande zenu zamaoliva ezinhle, ikunike izinceku zayo.
15Izazithathela okwetshumi kwamabele enu lokwezivini zenu, ikunike izinduna zayo lezinceku zayo.
16Izazithathela izinceku zenu lezincekukazi zenu lenkomo zenu ezinhle lobabhemi benu abahle, izisebenzise emsebenzini wayo.
17Izazithathela okwetshumi kwemfuyo yenu, lina libe yizigqili zayo.
18Ngalolosuku lizakhala ngenxa yenkosi yenu elizikhethele yona; kodwa iNkosi uNkulunkulu kayiyikuliphendula mhlalokho.
19Kodwa abantu bala ukulilalela ilizwi likaSamuweli, bathi: Atshi, sifuna ukuba sibe lenkosi,
20ukuze lathi sibe njengezizwe zonke, inkosi yethu isibuse, isikhokhele empini, ilwe izimpi zethu.
21Kwathi lapho uSamuweli esewazwile wonke amazwi abantu, wawalandisa eNkosini.
22INkosi yathi kuSamuweli: Lalela ilizwi labo, ubabekele inkosi. USamuweli wasesithi ebantwini bakoIsrayeli: Hambani liye emizini yenu.
Who We AreWhat We EelieveWhat We Do
2025 by iamachristian.org,Inc All rights reserved.
