1Ilizwe labakoJosefa lasukela eJordani ngaseJeriko, ngasempumalanga kwamanzi aseJeriko. Umngcele walo waqonda enkangala, wasuka eJeriko wakhwela izintaba usiya eBetheli;
2wasuka eBetheli waya eLuzi, wadlula lapho waya eAtarothi, elizweni lamaAriki,
3wasusehla uqonda entshonalanga elizweni lamaJafileti, waze wafika elizweni leBeti‐Horoni elingaphansi kwaseGezeri; waphelela olwandle.
4Lapho inzalo kaJosefa, abakoManase labakoEfrayimi, yanikwa ilizwe layo.
5Indawo yabakoEfrayimi ngosendo lwabo yayinje; umngcele welizwe labo ngasempumalanga wawuliAtarothi‐Adari kuze kufike eBeti‐Horoni elingaphezulu,
6wasuka lapho waya olwandle, iMikimethathi lingasenyakatho; ngasempumalanga waphendukela eTanathi‐Shilo, wadlulela phambili ngasempumalanga usiya eJanowa;
7wasusehla lapho usiya eAtarothi laseNara, wagudla iJeriko, wayaphelela eJordani;
8wasuka eTapuwa waqonda entshonalanga waya esifuleni iKana, waphelela olwandle. Linjaloke ilizwe lesizwe sakoEfrayimi ngosendo lwaso,
9ndawonye lemizi eyayabelwe abakoEfrayimi esabelweni sabakoManase, yonke leyomizi lemizana yayo.
10Kodwa kabawaxotshanga amaKanani ayehlala eGezeri; ngakho asahlala phakathi kwabakoEfrayimi kuze kube lamuhla, kodwa ayeyizigqili zokusebenza.
Who We AreWhat We EelieveWhat We Do
2025 by iamachristian.org,Inc All rights reserved.
