1Kwasekudlule isikhathi eside iNkosi isiphumuzile uIsrayeli ezitheni zakhe ezazimhanqile, loJoshuwa wayeselixhegu.
2Wabiza wonke uIsrayeli, abadala babo lenhloko zemizi, labahluleli babo lezinduna zabo, wathi kubo: Sengilixhegu;
3selizibonele konke iNkosi uNkulunkulu wethu ekwenzileyo kulezizizwe ngenxa yenu, ngoba kwakuyiNkosi uNkulunkulu uqobo eyalilwelayo.
4Ngilabele kube yilifa lezizwe zenu amazwe ezizwe eziseleyo kanye lawazo zonke izizwe engazichitha kusukela eJordani kuze kube soLwandle olukhulu ngasentshonalanga.
5INkosi uNkulunkulu wenu izazixotsha phambi kwenu, izixotshe ukulenzela indawo, lihlale elizweni lazo, njengokuthembisa kwayo.
6Ngakhoke qinani ligcine lenze konke okulotshiweyo ogwalweni lomlayo kaMose, lingaphambuki kuwo liye ngakwesokunene loba ngakwesokhohlo,
7ukuze lingahlangani lezizwe eziseleyo phakathi kwenu, lingabaphathi ngamabizo onkulunkulu bazo, lingafungi ngabo, lingabakhonzi, lingakhothami phambi kwabo,
8kodwa libambelele eNkosini uNkulunkulu wenu njengoba lenzile kuze kube lamhla.
9Ngoba iNkosi ixotshile phambi kwenu izizwe ezinkulu lezilamandla; linake kakubanga lamuntu obelamandla ukumelana lani kuze kube lamhla.
10Umuntu oyedwa phakathi kwenu angaxotsha abantu abayinkulungwane, ngoba yiNkosi uNkulunkulu wenu elilwelayo njengokuthembisa kwayo.Dute 32:30; 3:22
11Qaphelisisani ukuyithanda iNkosi uNkulunkulu wenu.
12Ngoba uba libuyela emuva, lizihlanganise lezizwe eziseleyo phakathi kwenu, lithathane lazo ukuba lithathe abesifazana bazo, lazo zithathe abenu,
13yazinike ukuthi iNkosi uNkulunkulu wenu kayiyikuqhubeka ngokuzixotsha lezizizwe phambi kwenu; kodwa zizakuba yisifu lomjibila kini, zibe luswazi emihlana yenu, lameva emehlweni enu, lize libhubhe liphele kulelilizwe elihle, iNkosi uNkulunkulu wenu elinika lona.
14Khathesike sengizalitshiya, lonke liyazi enhliziyweni zenu lasemiphefumulweni yenu ukuba kakukho lokukodwa okungenzekanga kuzo zonke izinto ezinhle iNkosi uNkulunkulu wenu eyazithembisa ngani; konke kwenzakele, kakukho okukodwa okungenzakalanga.
15Kodwa njengalokhu zonke izinto ezinhle iNkosi uNkulunkulu wenu eyazithembisa ngani zigcwalisekile, ngakho iNkosi ingalehlisela zonke izinto ezimbi, ize ilibhubhise liphele kulelilizwe elihle iNkosi uNkulunkulu wenu elinike lona.
16Uba lisaphula isivumelwano seNkosi uNkulunkulu wenu eyalilaya sona, lisuke liyekhonza abanye onkulunkulu, likhothame kibo, ulaka lweNkosi luzakuvutha kini, libhubhe masinyane liphele kulelilizwe elihle elinike lona.
Who We AreWhat We EelieveWhat We Do
2025 by iamachristian.org,Inc All rights reserved.
