Hubo 95 - Ndebele Bible (iBhayibhili Elingcwele) 1978

Ukudumisa iNkosi

1Wozani, siyihubele iNkosi,

sihlabele ngokuthokoza kulo

idwala lokukhululwa kwethu.

2Kasize phambi kwayo ngokubonga,

sihlabele kuyo amahubo.

3Ngoba iNkosi inguNkulunkulu omkhulu,

iyiNkosi enkulu phezu kwabonkulunkulu bonke.

4Ngoba indawo zomhlaba ezizikileyo zisesandleni sayo,

lezingqonga zezintaba zingezayo lazo.

5Ulwandle ngolwayo, ngoba yalwenza,

lezandla zayo zabumba umhlabathi owomileyo.

6Wozani, sikhonze sikhothame,

siguqe phambi kweNkosi, uMenzi wethu.

7Ngoba yona inguNkulunkulu wethu,

thina singabantu ebondlayo,

lezimvu ezalusayo.

Lamuhla lalelani ilizwi layo, lisithi:

8Lingazenzi zibe lukhuni inhliziyo zenu njengaseMeriba,

njengasosukwini lwaseMasa enkangala,

9mhla okhokho benu bangilinga bengihlola,

loba babeyibonile imisebenzi yami.

10Iminyaka engamatshumi amane nganengwa yilesosizukulwana

ngaze ngathi: Bangabantu abalenhliziyo eziduhayo,

abangananziyo indlela zami.

11Ngakhoke ngafunga ekuthukutheleni kwami,

ngathi kabayikungena elizweni lapho ebengingabanika khona ukuphumula.