1Ngakho lahlani ububi bonke, lobuqili bonke, lokuzenzisa, lomhawu, lokuhleba.
2Njengezingane ezisand’ukuzalwa fisani uchago oluhle, ngitsho uchago olungokomoya, ukuze ngalo likhuliselwe ukusiliswa;
3ngoba selibonile ukuthi iNkosi ilomusa.Ukwakhiwa kwendlu yokomoya
4Wozani eNkosini, kulo idwala eliphilayo elaliwa ngabantu, kodwa kuNkulunkulu lingelikhethiweyo eliligugu;
5njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.
6Ngoba umbhalo uthi:
Khangelani, ngiyabeka eZiyone ilitshe lengonsi elikhethiweyo eliligugu;
okholwa kulo kayikuyangeka.
7Ngakho kini elikholwayo liligugu, kodwa kulabo abangakholwayo kuthiwa:
Ilitshe elaliwayo ngabakhi selaba yinhloko yengonsi;
8ilitshe lokukhubekisa abantu, ledwala lokubawisa.
Ngoba bayakhubeka ngenxa yokungalaleli ilizwi, okuyikhona ababekumiselwe.
11Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;
12lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.
Ukuzehlisela ngaphansi kwezimiso zabantu ngenxa yeNkosi13Zehliseleni ngaphansi kwezimiso zonke zabantu ngenxa yeNkosi, loba kuyinkosi enkulu ebusayo,
14loba kungababusi abathunywe yiyo ukuba batshaye labo abenza okubi, babonge abenza okuhle;
15ngoba kuyintando kaNkulunkulu ukuba ngokwenza okuhle liqede ukungazi kwezithutha.
16Hlalani njengabakhululekileyo, kodwa lingenzi inkululeko yenu ibe lizaba lokwenza okubi, kodwa lihlale njengezigqili zikaNkulunkulu.
17Hloniphani abantu bonke, lithande abazalwane, limesabe uNkulunkulu, lihloniphe inkosi enkulu.
18Zinceku, zehliseleni ngaphansi kwamakhosi enu ngokuhlonipha konke, kungesikho kulawo alomusa lesihawu kuphela, kodwa lakulawo alolaka.
19Ngoba kuyabongeka uba umuntu ethwala ubuhlungu lokuhlupheka okungafanelanga ngenxa yesazela sakhe kuNkulunkulu.
20Kulilethela udumo bani, uba libekezela lapho litshayelwa ukona na? Kodwa uba libekezela lapho lenza okuhle lihlupheke ngakho, lokhu kuyabongeka kuNkulunkulu.
21Labizelwa khona lokho; ngoba uKristu laye wahlupheka ngenxa yenu, walitshiyela isibonelo sokuba lilandele ezinyathelweni zakhe.
22Yena kenzanga isono, lenkohliso kayifunyaniswanga emlonyeni wakhe,
Who We AreWhat We EelieveWhat We Do
2025 by iamachristian.org,Inc All rights reserved.
