1Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,
2zisithi: Ungaphi ozelwe eyinkosi yabaJuda na? Ngoba sibonile inkanyezi yakhe kwelasempumalanga, size ukumkhonza.
3Ngakho uHerodi inkosi esekuzwile lokho wakhathazeka leJerusalema lonke kanye laye.
4Esebuthanisile bonke abapristi abakhulu lababhali babantu, wabuza kubo ukuthi uKristu uzakuzalelwa ngaphi.
5Bathi kuye: EBetlehema elaseJudiya; ngoba kulotshiwe ngokunjalo ngumprofethi ukuthi:
6Lawe Betlehema, lizwe lakoJuda,
kawusuye omncinyane lakanye kubabusi bakoJuda,
ngoba kuzakuvela kuwe umbusi
ozakwalusa abantu bami uIsrayeli.
7Kwang’khona uHerodi, esezibizile izazi ngensitha, wabuzisisa kuzo isikhathi sokubonakala kwenkanyezi.
8Wazithuma eBetlehema, wathi: Hambani libuzisise ngomntwana; kuzakuthi nxa limfumene, libike kimi ukuba lami ngiye ngimkhonze.
9Kwathi seziyizwile inkosi, zasuka zahamba; inkanyezi ezayibona kwelasempumalanga yahamba phambi kwazo, yaze yafika yema phezu kwalapho umntwana ayekhona.
10Zathi ukuyibona inkanyezi, zathokoza ngokuthokoza okukhulu kakhulu.
11Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.
12Kwathi sezilayiwe ngephupho ukuba zingabuyeli kuHerodi, zasuka zabuyela elizweni lakibo ngenye indlela.
Ukubalekela eGibithe13Sezisukile, isithunywa seNkosi sabonakala kuJosefa ephupheni sisithi: Vuka, uthathe umntwana lonina ubalekele eGibithe, uhlale khona ngize ngikutshele; ngoba uHerodi uzakumfuna umntwana ukuze ambulale.
14Wavukake, wathatha umntwana lonina ebusuku, wasuka waya eGibithe.
15Wahlala khona, waze wafa uHerodi, ukuze kugcwaliseke okwakhulunywa yiNkosi ngomprofethi ukuthi: Ngayibiza indodana yami ukuba iphume eGibithe.Ukubulawa kwabantwana baseBetlehema
16Kwathi uHerodi, esebonile ukuthi izazi zimphicile, wathukuthela kakhulu, wathumela wabulala bonke abafana baseBetlehema lasendaweni yonke yakhona, abaleminyaka emibili langaphansi, njengesikhathi abesibuzisisile kuzo izazi.
17Kwasekugcwaliseka okwakhulunywa nguJeremiya umprofethi ukuthi:
18Kwezwakala ilizwi eRama,
ukukhala lokulila okukhulu, uRaheli ekhalela abantwana bakhe,
engavumi ukududuzwa ngoba bengasekho.Ukubuyela elizweni lakoIsrayeli
19Kwathi esefile uHerodi, isithunywa seNkosi sabonakala ephupheni kuJosefa eGibithe, sathi:
20Vuka, uthathe umntwana lonina uye elizweni lakoIsrayeli, ngoba sebefile ababezingela ukusila komntwana.
21Wavukake, wathatha umntwana lonina, wafika elizweni lakoIsrayeli.
22Kodwa esezwile ukuthi uAkelawu usebusa eJudiya esikhundleni sikaHerodi uyise, wesaba ukuya khona; esexwayisiwe ephupheni wasuka waya elizweni laseGalili.
23Wafika, wahlala emzini othiwa iNazaretha ukuba kugcwaliseke okwakhulunywa ngabaprofethi ukuthi: Uzakubizwa ngokuthi ngoweNazaretha.
Who We AreWhat We EelieveWhat We Do
2025 by iamachristian.org,Inc All rights reserved.
