1Lina lalifile ngeziphambeko langezono zenu,Kol 2:13
2elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.
3Thina sonke sake sahlala phakathi kwabo enkanukweni yomzimba, silandela izifiso zomzimba lenhliziyo; ngakhoke ngokwemvelo sasingabantwana bolaka njengabanye bonke.
4Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,
5lanxa sasifile ngeziphambeko zethu, wasivusa kanye loKristu; ngomusa lisilisiwe.
6Wasivusa kanye loKristu Jesu, wasihlalisa kanye laye ezulwini,
7ukuze kuthi ezikhathini ezizayo abonakalise inotho enkulu yomusa wakhe lobubele bakhe kithi kuKristu Jesu.
8Ngoba lisilisiwe ngomusa ngokukholwa; lalokhu kakuveli kini, kuyisiphiwo sikaNkulunkulu.
9Kakuveli ngemisebenzi, funa kube khona ozincomayo.
10Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.
UKristu wenza abaJuda labezizwe babe munye11Ngakhoke khumbulani ukuthi kwake kwaba khona isikhathi lapho elalingabezizwe, elalibizwa yilabo abasokileyo ngokuthi lingabangasokanga, ukusoka okwenziwa ngezandla emzimbeni.
12Khumbulani ukuthi ngalesosikhathi lalingelaye uKristu, lalingaphandle kombuso wakoIsrayeli, lalingabezizwe ezivumelwaneni zesithembiso, lalingelalo ithemba, lalingelaye uNkulunkulu emhlabeni.
13Kodwa khathesi kuKristu Jesu lina elalikhatshana selilethwe eduze ngegazi likaKristu.
14Ngoba yena uyikuthula kwethu, owenza abaJuda labezizwe babe munye, lowabhidliza ubutha obabumi phakathi kwabo njengomduli owahlukanisayo;
15ngoba wachitha umlayo olemithetho lezimiso, ukuba abenze kuye labo ababili babe ngumuntu munye omutsha, ngalokhu enze ukuthula.Kol 2:14
16Wenza futhi ukuba bobabili babuyisane loNkulunkulu emzimbeni munye ngesiphambano; ngalokho wachitha ubutha.Kol 1:20
17Weza watshumayela ivangeli lokuthula kini elalikhatshana, yebo, lokuthula kulabo ababeseduze.Isa 57:19
18Ngoba ngaye silokungena sonke ngoMoya munye kuYise.
19Ngakhoke kaliseyibo abemzini lezihambi, kodwa selingabombuso munye labangcwele, lingabendlu kaNkulunkulu.
20Lakhiwe phezu kwesisekelo sabaphostoli labaprofethi, uKristu uqobo lwakhe uyilitshe lengonsi,
21okuhlanganiselwe kuye isakhiwo sonke, sikhule sibe lithempeli elingcwele eNkosini.
22Lina kanye labanye liyakhiwa kuye, ukuba libe yindlu kaNkulunkulu azakuhlala kuyo uMoya.
Who We AreWhat We EelieveWhat We Do
2025 by iamachristian.org,Inc All rights reserved.
