Hubo 64 - Ndebele Bible (iBhayibhili Elingcwele) 1978

Umkhuleko wokucela ukuvikelwa ezitheni

1Nkulunkulu, zwana ilizwi lami ekukhulekeni kwami,

ulondoloze ukuphila kwami ekwesabeni isitha;

2ungifihle emacebeni afihliweyo ababi,

lasekucebeni kwabenza okubi,

3abalola izinlimi zabo kungathi balola imihedla,

bacibe ngamazwi ababayo kungathi baciba ngemitshoko,

4ukuba bamjume ongelacala,

bamdumele bengelakwesaba.

5Bakhuthazana ecebeni labo elibi,

bekhuluma ngokuthiya,

besithi: Ngubani ongasibona na?

6Baceba izenzo ezimbi besithi: Silenzile icebo elihle.

Ngoba ingqondo lenhliziyo yomuntu izikile.

7Kodwa uNkulunkulu uzakubaphosa ngemitshoko yakhe,

bagwazwe ngokuphangisa.

8Ngenxa yamazwi abo uzakubalethela ukuchitheka;

bonke abababonayo bazakunikina amakhanda abo.

9Bonke abantu bazakutshaywa luvalo,

batshumayele izenzo zikaNkulunkulu,

banakane ngalokho akwenzileyo.

10Olungileyo uzajabula eNkosini,

aphephele kuyo;

bonke abaqotho ngenhliziyo bazayidumisa.