Hubo 2 - Ndebele Bible (iBhayibhili Elingcwele) 1978

Ukubusa kogcotshiweyo weNkosi

1Kungani ukuba izizwe zixokozele,

labantu banakane okuyize na?

2Amakhosi omhlaba azimisele,

lababusi bahlanganisa icebo

lokuba balwe leNkosi logcotshiweyo wayo, besithi:

3Asiqamule izibopho zabo,

silahle izintambo zabo zisuke kithi.

4Yena ohlezi emazulwini uyahleka,

iNkosi iyabahleka ulunya.

5Ibisikhuluma labo entukuthelweni yayo,

ibethuse ngolaka lwayo isithi:

6Ngibekile inkosi yami eZiyone,

entabeni yami engcwele.

7Ngizakulandisa isimemezelo seNkosi eyathi kimi:

Wena uyindodana yami, lamuhla ngikuzele.

8Cela kimi, ngizakukunika izizwe zibe yilifa lakho,

lomhlaba wonke ube ngowakho.

9Uzakuzaphula ngentonga yensimbi,

uziphahlaze njengembiza yebumba.

10Ngakhoke hlakaniphani lina makhosi,

lixwayiswe lina babusi bomhlaba.

11Ikhonzeni iNkosi ngokwesaba, lithuthumele,

12liyikhothamele,

funa ithukuthele, libhubhe endleleni;

ngoba ulaka lwayo luzakuvutha masinyane.

Babusisiwe bonke abaphephela kuyo.