1Ngakhoke ngiyabalaya abadala bebandla abaphakathi kwenu, mina engingomdala kanye labo, lofakazi wezinhlupheko zikaKristu, lomhlanganyeli wenkazimulo ezakwambulwa kithi.
2Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,Joha 21:15–17
3kungabi njengabazenza amakhosi kulabo elibaphetheyo, kodwa libe yizibonelo zomhlambi.
4Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.
5Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.Zaga 3:34
6Ngakhoke zehliseleni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo.Mat 23:12; Luka 14:11; 18:14
7Lethulele phezu kwakhe izinkathazo zenu zonke, ngoba uyalikhathalela.
8Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.
9Limelane laye liqinile ekukholweni, lazi ukuthi zona lezonhlupheko zehlela abazalwane benu abasemhlabeni wonke.
10Kodwa lapho selihluphekile okwesikhatshana, uNkulunkulu womusa wonke owalibizela ebukhosini bakhe obungapheliyo ngoKristu, yena oqobo uzakuliphelelisa, aliqinise, alinike amandla.
11Kakube kuye amandla kuze kube nininini. Ameni.
Isicino12NgoSilivanu, umzalwane othembekileyo ngokumazi kwami, ngililobele ngokufitshane, ngililaya, ngifakaza ukuthi lo yiwo umusa oqotho kaNkulunkulu; manini liqine kuwo.Seb 15:22, 40
13Ibandla eliseBabiloni elikhethiweyo njengani liyalibingelela, loMarko indodana yami.Seb 12:12, 25; 13:13; 15:37–39; Kol 4:10; Filim 24
14Bingelelanani ngokwangana kothando. Ukuthula kakube kini lonke elikuKristu.
Who We AreWhat We EelieveWhat We Do
2025 by iamachristian.org,Inc All rights reserved.
