1UMiriyamu loAroni baphikisana loMose ngoba wayethethe owesifazana umKushi.
2Bathi: Kambe, iNkosi ikhulumile kuMose kuphela na? Kayikhulumanga lakithi na? INkosi yakuzwa lokhu.
3UMose lo wayemnene kakhulu kulabo bonke abantu ababesemhlabeni.
4INkosi yahle yathi kuMose loAroni loMiriyamu: Wozani lina lobathathu ethenteni lokuhlangana. Bahamba bobathathu.
5INkosi yehla ngensika yeyezi, yema ngasemnyango wethente, yabiza uAroni loMiriyamu; basondela bobabili.
6Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.
7Kodwa inceku yami uMose kayisuye umprofethi onjalo; nguye yedwa othembekileyo kubo bonke abendlu yami.Heb 3:2
8Yena ngikhuluma laye ngokucacileyo ubuso ngobuso, kungesikho ngemizekeliso; futhi uzakubona isimo seNkosi uqobo. Ngakho kungani lingesabi ukukhuluma kubi ngenceku yami uMose na?
9INkosi yabathukuthelela; yahamba.
10Kwathi lapho iyezi lisuka phezu kwethente, uMiriyamu wayeselobulephero, emhlophe njengongqoqwane. UAroni wamkhangela, wabona ukuthi ulobulephero.
11Wathi kuMose: Nkosi, ungasitshayi ngenxa yesenzo sethu sobuthutha langokubi esikwenzileyo.
12Ungamyekeli abe njengofileyo, onyama yakhe idliwe nganxanye nxa ephuma esiswini sikanina.
13UMose wasekhala eNkosini wathi: Nkulunkulu, ake umelaphe, ngiyakuncenga.
14Kodwa iNkosi yathi kuMose: Uba uyise ubemkhafulele ngamathe ebusweni, ngabe kayangekanga insuku eziyisikhombisa na? Kavalelwe ngaphandle kwezihonqo okwensuku eziyisikhombisa; emva kwalokho abuye angeniswe futhi.Nani 5:2–3
15UMiriyamu wavalelwa ngaphandle kwezihonqo insuku eziyisikhombisa; abantu kabasukanga, waze wabuyiswa uMiriyamu.
16Emva kwalokho abantu basuka eHazerothi, baya bamisa enkangala yaseParani.
Who We AreWhat We EelieveWhat We Do
2025 by iamachristian.org,Inc All rights reserved.
