1Amadodana kaJuda ayengoPerezi loHezironi loKarmi loHuri loShobali.
2UReyaya indodana kaShobali wazala uJahathi; uJahathi wazala uAhumayi loLahadi. Labo babelusendo lwamaZorathi.
3Nanka amadodana kayise kaEtamu; oJezereli loIshma loIdibashi; udadewabo wawo wayenguHazeleliponi.
4UPenuweli wazala uGedori, loEzeri wazala uHusha. Laba babengamadodana kaHuri, izibulo likaEfratha, uyise kaBetlehema.
5UAshuri uyise kaTekowa wayelabafazi ababili, oHela loNahara;
6uNahara wazala uAhuzama loHeferi loTemeni loHahashitari. Laba babengamadodana kaNahara.
7Amadodana kaHela ayengoZerethi loIzihari loEthinani loKozi.
8UKozi wazala uAnubi loZobeba, labantwana bakaAhariheli indodana kaHarumi.
9UJabezi wayelodumo kulabafowabo; unina wamutha wathi nguJabezi, ngoba wathi: Kungoba ngamzala ngibuhlungu.
10UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.
11UKelubi umfowabo kuShuha wazala uMehiri owazala uEshitoni.
12UEshitoni wazala uBeti‐Rafa loPaseya loTehina uyise kaIrinahashi. Laba babengabantu bakaReka.
13Amadodana kaKenazi ayengoOthiniyeli loSeraya. Amadodana kaOthiniyeli ayengoHathathi loMeyonothayi.
14UMeyonothayi wazala uOfira. USeraya wazala uJowabi ukhokho wamaGeharashi okutsho izingcitshi, ngoba ayeyizingcitshi.
15Amadodana kaKalebi indodana kaJefune ayengoIru loEla loNahamu; indodana kaEla yayinguKenazi.
16Amadodana kaJehaleleli ayengoZifi loZifa loTiriya loAsareli.
17Amadodana kaEzra ayengoJetheri loMeredi loEferi loJaloni. Labo babengamadodana kaBithiya indodakazi kaFaro, eyayithethwe nguMeredi; yathatha isisu yazala oMiriyamu loShamayi loIshiba uyise kaEshitemowa.
18Umkakhe umJudakazi wazala uJeredi uyise kaGedori, loHeberi uyise kaSoko, loJekuthiyeli uyise kaZanowa.
19Amadodana kaHodiya umkakhe, owayengudadewabo kaNahama, ayengoDaliya uyise kaKeyila waseGarmi, loEshitemowa waseMahakathi.
20Amadodana kaShimoni ayengoAmnoni loRina loBenihanani loTiloni. Amadodana kaIshi ayengoZohethi loBenizohethi.
21Amadodana kaShela indodana kaJuda ayengoEri uyise kaLeka, loLahada uyise kaMaresha, labantwana babenzi belembu elihle eBeti‐Ashibeya,
22loJokimi, lamadoda aseKozeba, loJowashi, loSarafi ababebusa amaMowabi, babuyela eBetlehema. — lezizindaba sezindala —
23Labo babengababumbi, labakhileyo eNetayimi leGedera ababeyisebenzela inkosi, behlala khona.
Inzalo kaSimeyoni24Amadodana kaSimeyoni ayengoNemuweli loJamini loJaribi loZera loShawuli,
25owazala uShaluma, uyise kaMibisamu, uyise kaMishima.
26Inzalo kaMishima yayingoHamuweli, lomntanakhe uZakuri, lomntanake uShimeyi.
27UShimeyi wayelamadodana alitshumi lesithupha lamadodakazi ayisithupha; kodwa abafowabo babengelabantwana abanengi, labantwana babo kabandanga njengabakoJuda.
28Bahlala eBerisheba leMolada leHazari‐ShuwaliJosh 19:2–8
29leBiliha leEzema leToladi
30leBethuweli leHorma leZiklagi
31leBeti‐Marikabothi leHazari‐Susimi leBeti‐Biri leShaharayimi. Yiyo eyayiyimizi yabo kwaze kwabusa uDavida.
32Imizana yabo yayiyiEtamu leAyini leRimoni leTokeni leAshani, indawo ezinhlanu,
33kanye layo yonke imizana eyayiyizingelezele kuze kuyefika eBalathi. Yizo lezondawo ababehlala kuzo. Balotshwa ngezizukulwana zabo.
34OMeshobabi loJamileki loJosha indodana kaAmaziya,
35loJoweli loJehu indodana kaJoshibiya kaSeraya kaAsiyeli,
36loEliyohenayi loJahakoba loJeshohaya loAsaya loAdiyeli loJesimiyeli loBenaya,
37loZiza indodana kaShifi kaAloni kaJedaya kaShimiri kaShemaya;
38laba ababizwa ngamabizo babeyizikhulu osendweni lwabo, lezindlu zabo zanda kakhulu.
39Basuka ekungeneni kweGedori baya ngasempumalanga kwesihotsha ukudingela imihlambi yabo amadlelo;
40bafumana khona amadlelo amahle emmangweni obanzi, olokuthula; ababehlala khona kudala babengabakoHamu.
41Ensukwini zikaHezekiya inkosi yakoJuda labo ababelotshiwe baya khona, bachitha amathente abantu bakhona kanye labakoMewunimi ababekhona, babachitha baphela nya kuze kube lamhla; bahlala endaweni zabo, ngoba kwakukhona lapho amadlelo ezimvu zabo.
42Abanye babo, abakoSimeyoni abangamakhulu amahlanu, baya entabeni yaseSeyiri bekhokhelwa ngoPelatiya loNeyariya loRefaya loUziyeli amadodana kaIshi;
43babulala wonke amaAmaleki ayesasele; bahlala khona kuze kube lamhla.
Who We AreWhat We EelieveWhat We Do
2025 by iamachristian.org,Inc All rights reserved.