uNehimiya 7 - Ndebele Bible (iBhayibhili Elingcwele) 1978

Ukumiswa kwabaphathi beJerusalema

1Kwathi lapho umduli usuwakhiwe, sengifakile lezivalo, abalindi bamasango labahlabeleli lamaLevi sebekhethiwe,

2ngabeka umfowethu uHanani loHananiya induna yenqaba ukuba babe ngabaphathi beJerusalema, ngoba uHananiya wayengumuntu othembekileyo lowesaba uNkulunkulu ukwedlula abanengi.

3Ngathi kibo: Lingawavuli amasango eJerusalema lize likhwele ilanga, liwavale liwanxibe ilanga lisephezulu. Khethani abalindi ebantwini abahlala eJerusalema, abanye libabeke endaweni zokulinda, abanye babe phambi kwezabo izindlu.

4Umuzi wawubanzi, umkhulu, kodwa abantu ababekiwo babelutshwana, lezindlu zazingakakhiwa.Amabizo ababuya ekuthunjweni

5UNkulunkulu wasefaka engqondweni yami ukuba ngibuthanise izikhulu lezinduna labantu ukuba babhalwe ngezizukulwana. Ngafumana ugwalo lwezizukulwana zalabo abafika kuqala. Kwakubhalwe kulo ukuthi:

6Nampa abantu belizwe ababuya ekuthunjweni kulabo ababethunjiwe nguNebukadineza inkosi yaseBabiloni, yabasa eBabiloni; babuyela eJerusalema lakoJuda, kwaba yilowo lalowo emzini wakibo.

7Bafika loZerubabeli loJeshuwa loNehemiya loAzariya loRahamiya loNahamani loMoridekayi loBilishani loMisiperethi loBigivayi loNehuma loBahana.

Nantu uluhlu lwabantu bakoIsrayeli.

8AbakoParoshi babezinkulungwane ezimbili lekhulu lamatshumi ayisikhombisa lambili;

9abakoShefathiya babengamakhulu amathathu lamatshumi ayisikhombisa lambili;

10abakoAra babengamakhulu ayisithupha lamatshumi amahlanu lambili;

11abakoPahathi‐Mowabi, ngitsho abendlu kaJeshuwa loJowabi, babezinkulungwane ezimbili lamakhulu aficaminwembili letshumi lesificaminwembili;

12abakoElamu babeyinkulungwane lamakhulu amabili lamatshumi amahlanu lane;

13abakoZathu babengamakhulu aficaminwembili lamatshumi amane lanhlanu;

14abakoZakayi babengamakhulu ayisikhombisa lamatshumi ayisithupha;

15abakoBinuwi babengamakhulu ayisithupha lamatshumi amane lesificaminwembili;

16abakoBebayi babengamakhulu ayisithupha lamatshumi amabili lesificaminwembili;

17abakoAzigadi babezinkulungwane ezimbili lamakhulu amathathu lamatshumi amabili lambili;

18abakoAdonikamu babengamakhulu ayisithupha lamatshumi ayisithupha lesikhombisa;

19abakoBigivayi babezinkulungwane ezimbili lamatshumi ayisithupha lesikhombisa;

20abakoAdini babengamakhulu ayisithupha lamatshumi amahlanu lanhlanu;

21abakoAteri, ngitsho bakoHezekiya, babengamatshumi aficamunwemunye lesificaminwembili;

22abakoHashuma babengamakhulu amathathu lamatshumi amabili lesificaminwembili;

23abakoBezayi babengamakhulu amathathu lamatshumi amabili lane,

24abakoHarifi babelikhulu letshumi lambili;

25abakoGibeyoni babengamatshumi aficamunwemunye lanhlanu;

26abaseBetlehema labaseNetofa babelikhulu lamatshumi aficaminwembili lesificaminwembili;

27amadoda aseAnathothi ayelikhulu lamatshumi amabili lesificaminwembili;

28abaseAzimavethi babengamatshumi amane lambili;

29abaseKiriyathi‐Jeyarimi labaseKefira labaseBerothi babengamakhulu ayisikhombisa lamatshumi amane lantathu;

30abaseRama labaseGeba babengamakhulu ayisithupha lamatshumi amabili lanye;

31amadoda aseMikimasi ayelikhulu lamatshumi amabili lambili;

32amadoda aseBetheli laseAyi ayelikhulu lamatshumi amabili lantathu;

33abaseNebo babengamatshumi amahlanu lambili;

34abaseElamu elinye babeyinkulungwane lamakhulu amabili lamatshumi amahlanu lane;

35abaseHarimi babengamakhulu amathathu lamatshumi amabili;

36abaseJeriko babengamakhulu amathathu lamatshumi amane lanhlanu;

37abaseLodi labaseHadidi labaseOno babengamakhulu ayisikhombisa lamatshumi amabili lanye;

38abaseSenaha babezinkulungwane ezintathu lamakhulu aficamunwemunye lamatshumi amathathu.

39Nantu uluhlu lwabapristi. AbakoJedaya, abendlu kaJeshuwa, babengamakhulu aficamunwemunye lamatshumi ayisikhombisa lantathu;

40abakoImeri babeyinkulungwane lamatshumi amahlanu lambili;

41abakoPashuri babeyinkulungwane lamakhulu amabili lamatshumi amane lesikhombisa;

42abakoHarimi babeyinkulungwane letshumi lesikhombisa.

43Nantu uluhlu lwamaLevi. AbakoJeshuwa ngitsho abakoKadimiyeli, usendo lukaHodaviya, babengamatshumi ayisikhombisa lane.

44Nantu uluhlu lwabahlabeleli. AbakoAsafi babelikhulu lamatshumi amane lesificaminwembili.

45Nantu uluhlu lwabalindi bamasango. AbakoShaluma labakoAteri labakoTalimoni labakoAkubi labakoHatita labakoShobayi, bonke babelikhulu lamatshumi amathathu lesificaminwembili.

46Nantu uluhlu lwezinceku zasethempelini. AbakoZiha labakoHasufa labakoTabhawothi

47labakoKerosi labakoSiya labakoPadoni

48labakoLebana labakoHagaba labakoShalimayi

49labakoHanani labakoGideli labakoGahari

50labakoReyaya labakoRezini labakoNekoda

51labakoGazama labakoUza labakoPaseya

52labakoBesayi labakoMewunimi labakoNefushesimi

53labakoBakibuki labakoHakufa labakoHarihuri

54labakoBazilithi labakoMehida labakoHarisha

55labakoBarkosi labakoSisera labakoTema

56labakoNeziya labakoHatifa.

57Nantu uluhlu lwenzalo yenzinceku zikaSolomoni. AbakoSotayi labakoSoferethi labakoPerida

58labakoJahala labakoDarkoni labakoGideli

59labakoShefathiya labakoHathili labakoPokerethi‐Hazebayimi labakoAmoni.

60Zonke inceku zasethempelini lenzalo yezinceku zikaSolomoni babengamakhulu amathathu lamatshumi aficamunwemunye lambili.

61Nampa abavela eTeli‐Mela laseTeli‐Harisha laseKerubi laseAdoni laseImeri ababengelakutsho izindlu zaboyise, lokuba badabuka koIsrayeli yini,

62abakoDelaya labakoTobiya labakoNekoda, babengamakhulu ayisithupha lamatshumi amane lambili.

63Phakathi kwabapristi kwakungabakoHobaya labakoHakozi labakoBarizilayi, owayethethe enye yamadodakazi kaBarizilayi waseGileyadi, wasebizwa ngebizo lawo.

64Badinga amabizo abo oluhlwini lwabalotshiweyo ngezizukulwana, kodwa bawaswela; basebekhutshwa ebupristini, kwathiwa kabafanelanga.

65Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

66Lonke ibandla selihlangene lalingabantu abazinkulungwane ezingamatshumi amane lambili lamakhulu amathathu lamatshumi ayisithupha,

67ngaphandle kwenceku lencekukazi zabo ezazizinkulungwane eziyisikhombisa lamakhulu amathathu lamatshumi amathathu lesikhombisa; babelabahlabeleli abesilisa labesifazana abangamakhulu amabili lamatshumi amane lanhlanu.

68Amabhiza abo ayengamakhulu ayisikhombisa lamatshumi amathathu lesithupha, lembongolo zabo zingamakhulu amabili lamatshumi amane lanhlanu;

69amakamela abo engamakhulu amane lamatshumi amathathu lanhlanu, labobabhemi babo bezinkulungwane eziyisithupha lamakhulu ayisikhombisa lamatshumi amabili.

70Ezinye inhloko zezindlu zanikela emsebenzini. Umbusi wanikela esikhwameni somsebenzi inhlamvu zegolide eziyinkulungwane, lemiganu yokuchela engamatshumi amahlanu, lezambatho zabapristi ezingamakhulu amahlanu lamatshumi amathathu.

71Ezinye inhloko zezindlu zanikela esikhwameni somsebenzi inhlamvu zegolide ezizinkulungwane ezingamatshumi amabili lamashekeli esiliva azinkulungwane ezilikhulu letshumi.

72Abanye abantu banikela inhlamvu zegolide ezizinkulungwane ezingamatshumi amabili lamashekeli esiliva azinkulungwane ezilikhulu lezambatho zabapristi ezingamatshumi ayisithupha lesikhombisa.

73Abapristi lamaLevi labalindi bamasango labahlabeleli labanye abantu lezinceku zasethempelini kanye labo bonke abanye abakoIsrayeli bahlala emizini yabo.

UEzra ufundela abantu umlayo

Ekufikeni kwenyanga yesikhombisa abakoIsrayeli basebesemizini yabo.