Dan 7 - Ndebele Bible (iBhayibhili Elingcwele) 1978

Iphupho likaDaniyeli ngezilo ezine

1Ngomnyaka wokuqala kaBelishazari, inkosi yaseBabiloni, uDaniyeli waphupha iphupho, wabona lemibono ngengqondo yakhe esalele embhedeni wakhe. Waseligwala iphupho, waqalisa

2wathi: Ngabona embonweni wami ebusuku imimoya evela inxa zonke, iqubula ulwandle olukhulu.

3Kwaphuma olwandle izilo ezine ezinkulu ezingafananiyo.

10Kwavela umkhonjwana womlilo,

waphumela ngaphambi kwakhe.

Inkulungwane zezinkulungwane zamkhonza,

lezinkulungwane ezilitshumi zezinkulungwane ezilitshumi

zema phambi kwakhe.

Kwaba lokwahlulela, lezincwadi zavulwa.

11Ngasengikhangela ngenxa yomsindo wamazwi okuzincoma ayekhulunywa luphondo. Ngisakhangele, isilo sabulawa, lomzimba waso wachithwa, wanikelwa ukutshiswa ngomlilo.

12Kodwa ezinye izilo ukubusa kwazo kwathathwa, kodwa ukuphila kwazo kwelulwa okwesikathi esithile.

13Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

15Mina Daniyeli, umoya wami wakhathazeka, lemibono yengqondo yami yangethusa.

16Ngasondela komunye walabo abemi lapho, ngambuza iqiniso ngakho konke lokhu. Wasengitshela, wangibonisa incazelo yalezozinto.

17Wathi: Lezizilo ezine ezinkulu zingamakhosi amane azavela emhlabeni.

18Kodwa abangcwele boPhezukonke bazakwamukeliswa umbuso, ube ngowabo kuze kube nininini.

25Izakhuluma kubi ngoPhezukonke,

ihluphe abangcwele boPhezukonke.

Izanakana ukuguqula izikhathi zemikhosi lomlayo.

Abangcwele bazanikelwa esandleni sayo,

iminyaka emithathu lengxenye.

26Kuzakuba lokwahlulelwa,

kususwe ukubusa kwayo, kuqedwe kuchithwe nya.

27Amandla lobukhulu bemibuso yonke engaphansi komthunzi welanga

kuzanikwa abantu abangcwele boPhezukonke.

Ukubusa kwabo kakuyikuphela,

layo yonke imibuso izakubakhonza ibalalele.Isam 20:4; 22:5

28Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.