Joha 12 - Ndebele Bible (iBhayibhili Elingcwele) 1978

UJesu ugcotshwa eBethani(Mat 26:6–13; Mark 14:3–9)

1Kwathi kusasele insuku eziyisithupha lingakafiki iPhasika, uJesu wafika eBethani, lapho wayekhona uLazaro, uJesu amvusa kwabafileyo.

2Basebemenzela ukudla khona; uMatha wayepheka, kodwa uLazaro wayengomunye walabo ababehlezi ekudleni laye.

3UMariya wasethatha umfuma wamagcobo awenadi lodwa abiza imali enengi, wagcoba inyawo zikaJesu, wesula inyawo zakhe ngenwele zakhe; indlu yagcwala iphunga lamagcobo.

9Kwathi ixuku elikhulu labaJuda selizwile ukuthi ulapho leza, kungesikho ngenxa kaJesu kuphela, kodwa lokuba babone uLazaro ayemvusile kwabafileyo.

10Ngakho abapristi abakhulu benza icebo lokuba babulale loLazaro,

11ngoba ngenxa yakhe abaJuda abanengi basuka bakholwa kuJesu.

UJesu ungena eJerusalema(Mat 21:1–11; Mark 11:1–11; Luka 19:28–40)

12Kusasa ixuku elikhulu elalizile emkhosini wePhasika lezwa kuthiwa uJesu uyeza eJerusalema.

13Ngakho lathatha amahlamvu elala, laphuma ukumhlangabeza, limemeza lisithi:

Hosana! Ubusisiwe ozayo ebizweni leNkosi,

yebo, iNkosi kaIsrayeli.

14UJesu wafumana ithole likababhemi, wakhwela phezu kwalo njengokulotshiweyo ukuthi:

15Ungesabi, wena Ziyone;

khangela, inkosi yakho iyeza,

ikhwele etholeni likababhemi.

16Abafundi bakhe kabaqedisisanga lokhu ekuqaleni; kodwa uJesu esedunyisiwe, basebekhumbula ukuthi lokhu kwakulotshiwe ngaye lokuthi babekwenzile lokhu kuye.

17Ngakho ixuku elalilaye mhla ebiza uLazaro ukuba aphume elibeni, emvusa kwabafileyo, lafakaza ngakho.

18Ngenxa yalokhu ixuku laphuma ukumhlangabeza, ngoba lezwa ukuba usenzile lesisibonakaliso.

19Ngakho abaFarisi bakhulumisana besithi: Liyabona ukuthi kalisizi lutho; khangelani, umhlaba wonke uyamlandela.

UJesu ukhuluma ngokufa kwakhe

20Kwakukhona amaGriki phakathi kwalabo ababekhuphukele ukuba bakhuleke emkhosini.

21Wonake eza kuFiliphu owayengowaseBetsayida elaseGalili, athi kuye: Nkosi, sithanda ukubona uJesu.

22UFiliphu wasuka wamtshela uAndreya. UAndreya loFiliphu basuka batshela uJesu.

23UJesu wathi kibo: Isikhathi sesifikile sokuba iNdodana yomuntu inikwe udumo.

24Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

25Yena othanda ukusila kwakhe uyalahlekelwa yikho; lozonda ukusila kwakhe kulumhlaba uzakukulondolozela ukuphila okungapheliyo.

39Ngakho babengekholwe, ngoba uIsaya wabuya wathi:

40Uphumputhekisile amehlo abo, wayenza lukhuni inhliziyo yabo,

funa babone ngamehlo abo, baqedisise ngenhliziyo yabo, baphenduke, ngibasilise.

41UIsaya watsho lokhu ngoba wabona inkazimulo yakhe, wakhuluma ngaye.

42Loba kunjalo abanengi bababusi bakholwa kuye, kodwa ngokwesaba abaFarisi kabakuvumanga, funa bakhutshwe esinagogeni;

43ngoba bathanda udumo lwabantu kulodumo lukaNkulunkulu.

UJesu weza ukusilisa umhlaba angawulahli

44UJesu wasememeza esithi: Okholwa kimi kakholwa kimi, kodwa ukholwa kongithumileyo.

45Obona mina ubona ongithumileyo.

46Ngizile ngiyikukhanya emhlabeni ukuba okholwa kimi angahlali emnyameni.

47Uba ekhona owezwayo amazwi ami angawagcini, kangimlahli, ngoba kangizanga ukulahla umhlaba kodwa ukusilisa umhlaba.

48Yena ongalayo engawamukeli amazwi ami, ulaye omlahlayo; ilizwi esengilikhulumile lizakumlahla ngosuku lokucina.

49Ngoba kangizikhulumelanga ngokwami, uBaba ongithumileyo nguye onginike umlayo wokuba ngizakuthini, ngikhulumeni.

50Ngiyazi ukuthi umlayo wakhe uyikuphila okungapheliyo. Ngakho lokhu engikukhulumayo ngikukhuluma njengalokhu uBaba angitshele khona.