Hubo 8 - Ndebele Bible (iBhayibhili Elingcwele) 1978

Udumo IweNkosi lodumo womuntu

1Nkosi, Nkosi yethu,

ibizo lakho lilodumo kangaka emhlabeni wonke!

Wena, okudunyiswa ubukhosi bakho emazulwini

2ngemilomo yabamunyayo lezingane,

umisile inqaba yakho ngenxa yezitha zakho,

ukuze uthulise isitha lophindiseleyo.

3Lapho ngikhangela amazulu akho, umsebenzi weminwe yakho,

inyanga lenkanyezi owazimisayo,

4uyini umuntu ukuba umkhumbule wena,

lendodana yomuntu ukuba uyinanze na?

5Kanti wamenza waba ngaphansi kukaNkulunkulu kancinyane,

wamethwesa umqhele wobukhosi lodumo.

6Wamenza waba ngumbusi wemisebenzi yezandla zakho,

konke wakubeka ngaphansi kwenyawo zakhe,

7izimvu lenkomo zonke,

yebo lezinyamazana zeganga,

8lezinyoni zasemoyeni, lezinhlanzi zasolwandle,

lakho konke okuhamba ezindleleni zolwandle.

9Nkosi, Nkosi yethu,

ibizo lakho lilodumo kangaka emhlabeni wonke!