Hubo 99 - Ndebele Bible (iBhayibhili Elingcwele) 1978

INkosi iyabusa

1INkosi iyabusa;

abantu bayathuthumela.

Ihlezi esihlalweni sobukhosi ngaphezu kwamakherubi;

umhlaba uyazamazama.

2INkosi yinkulu eZiyone;

iphakeme phezu kwezizwe zonke.

3Kazidumise ibizo lakho elikhulu lelesabekayo zithi:

Ingcwele yona!

4Nkosi elamandla, ethanda ukwahlulela,

umisile ubuqotho, wahlulela ngokulunga,

wenza ukulunga kuJakobe.

5Dumisani iNkosi uNkulunkulu wethu,

likhonze phambi kwayo.

Ingcwele yona!

6UMose loAroni babephakathi kwabapristi bayo,

loSamuweli laye wayephakathi kwabakhuleka ebizweni layo.

Bakhuleka eNkosini, yabaphendula.

7Yakhuluma labo iphakathi kweyezi;

bagcina imithetho yayo lezimiso eyabanika zona.

8Nkosi Nkulunkulu wethu, wena wabaphendula;

waba nguNkulunkulu othethelelayo kibo,

lomphindiseli wezenzo zabo ezimbi.

9Dumisani iNkosi uNkulunkulu wethu,

likhonze entabeni yayo engcwele;

ngoba iNkosi uNkulunkulu wethu ingcwele.