Hubo 136 - Ndebele Bible (iBhayibhili Elingcwele) 1978

Ukubonga iNkosi ngezimangaliso zayo

1Bongani iNkosi ngoba ilungile,

ngoba uthando lwayo olungapheliyo lumi kuze kube nininini.

2Bongani uNkulunkulu wabonkulunkulu,

ngoba uthando lwakhe olungapheliyo lumi kuze kube nininini.

3Bongani iNkosi yamakhosi,

ngoba uthando lwayo olungapheliyo lumi kuze kube nininini.

4Yona yodwa eyenza izimangaliso ezinkulu,

ngoba uthando lwayo olungapheliyo lumi kuze kube nininini;

5eyenza izulu ngokuhlakanipha,

ngoba uthando lwayo olungapheliyo lumi kuze kube nininini;

6eyenza umhlaba phezu kwamanzi,

ngoba uthando lwayo olungapheliyo lumi kuze kube nininini;

7eyenza izikhanyiso ezinkulu,

ngoba uthando lwayo olungapheliyo lumi kuze kube nininini;

8ilanga ukuba libuse emini,

ngoba uthando lwayo olungapheliyo lumi kuze kube nininini;

9lenyanga lezinkanyezi ukuba kubuse ebusuku,

ngoba uthando lwayo olungapheliyo lumi kuze kube nininini.

10Yabulala amazibulo aseGibithe,

ngoba uthando lwayo olungapheliyo lumi kuze kube nininini;

11yakhupha uIsrayeli phakathi kwamaGibithe,

ngoba uthando lwayo olungapheliyo lumi kuze kube nininini;

12ngesandla esilamandla langengalo elamandla,

ngoba uthando lwayo olungapheliyo lumi kuze kube nininini;

13yahlukanisa phakathi uLwandle oluBomvu,

ngoba uthando lwayo olungapheliyo lumi kuze kube nininini;

14yenza uIsrayeli adabule phakathi kwalo,

ngoba uthando lwayo olungapheliyo lumi kuze kube nininini;

15kodwa yachitha uFaro lempi yakhe oLwandle oluBomvu,

ngoba uthando lwayo olungapheliyo lumi kuze kube nininini.

16Yakhokhela abantu bayo enkangala,

ngoba uthando lwayo olungapheliyo lumi kuze kube nininini;

17yabulala amakhosi amakhulu,

ngoba uthando lwayo olungapheliyo lumi kuze kube nininini;

18yabulala amakhosi adumileyo,

ngoba uthando lwayo olungapheliyo lumi kuze kube nininini;

19uSihoni inkosi yamaAmori,

ngoba uthando lwayo olungapheliyo lumi kuze kube nininini;

20loOgi inkosi yaseBashani,

ngoba uthando lwayo olungapheliyo lumi kuze kube nininini;

21yanika ilizwe labo abantu bayo ukuba libe ngelabo,

ngoba uthando lwayo olungapheliyo lumi kuze kube nininini;

22laba ngelikaIsrayeli inceku yayo,

ngoba uthando lwayo olungapheliyo lumi kuze kube nininini.

23Yiyo eyasikhumbula sisephansi,

ngoba uthando lwayo olungapheliyo lumi kuze kube nininini;

24yasophula ezitheni zethu,

ngoba uthando lwayo olungapheliyo lumi kuze kube nininini.

25Yiyo enika ukudla bonke abantu,

ngoba uthando lwayo olungapheliyo lumi kuze kube nininini.

26Bongani uNkulunkulu wezulu,

ngoba uthando lwakhe olungapheliyo lumi kuze kube nininini.