1 Lan 27 - Ndebele Bible (iBhayibhili Elingcwele) 1978

Izinduna zabantu

1Nanka amabizo abakoIsrayeli, inhloko zezindlu, abaphathi bezinkulungwane labamakhulu, lababhali babo, ababesebenzela inkosi emisebenzini yezigaba zabo; zona zazophisana inyanga ngenyanga ukusebenza kuwo wonke umnyaka. Leso lalesosigaba sasilabantu abazinkulungwane ezingamatshumi amabili lane.

2UJashobeyamu indodana kaZabidiyeli wayephethe isigaba sokuqala enyangeni yokuqala; esigabeni sakhe kwakulabantu abazinkulungwane ezingamatshumi amabili lane;

3wayengowosendo lukaPerezi, eyinduna yabo bonke abaphathi bempi enyangeni yokuqala.

4UDodayi wakoAhohi wayephethe isigaba sesibili senyanga; esigabeni sakhe kwakulabantu abazinkulungwane ezingamatshumi amabili lane.

5Umphathi wesithathu enyangeni yesithathu wayenguBenaya indodana kaJehoyada umpristi omkhulu; esigabeni sakhe kwakulabantu abazinkulungwane ezingamatshumi amabili lane.

6Yena uBenaya wayeliqhawe labangamatshumi amathathu, eyinduna yabo. UAmizabadi indodana yakhe wathatha isikhundla sakhe.

7Umphathi wesine wayenguAsaheli umfowabo kaJowabi enyangeni yesine; walandelwa yindodana yakhe uZebadiya; esigabeni sakhe kwakulabantu abazinkulungwane ezingamatshumi amabili lane.

8Umphathi wesihlanu enyangeni yesihlanu wayenguShamihuthi wakoIzira; esigabeni sakhe kwakulabantu abazinkulungwane ezingamatshumi amabili lane.

9Umphathi wesithupha enyangeni yesithupha wayenguIra indodana kaIkheshi waseTekowa; esigabeni sakhe kwakulabantu abazinkulungwane ezingamatshumi amabili lane.

10Umphathi wesikhombisa enyangeni yesikhombisa wayenguHelezi wasePeloni wakoEfrayimi; esigabeni sakhe kwakulabantu abazinkulungwane ezingamatshumi amabili lane.

11Umphathi wesificaminwembili enyangeni yesificaminwembili wayenguSibekayi umHushathi wakoZerahi; esigabeni sakhe kwakulabantu abazinkulungwane ezingamatshumi amabili lane.

12Umphathi wesificamunwemunye enyangeni yesificamunwemunye wayenguAbiyezeri waseAnathothi wakoBenjamini; esigabeni sakhe kwakulabantu abazinkulungwane ezingamatshumi amabili lane.

13Umphathi wetshumi enyangeni yetshumi wayenguMahariyi waseNetofa wakoZerahi; esigabeni sakhe kwakulabantu abazinkulungwane ezingamatshumi amabili lane.

14Umphathi wetshumi lanye enyangeni yetshumi lanye wayenguBenaya wasePirathoni wakoEfrayimi; esigabeni sakhe kwakulabantu abazinkulungwane ezingamatshumi amabili lane.

15Umphathi wetshumi lambili enyangeni yetshumi lambili wayenguHelidayi waseNetofa wakoOthiniyeli; esigabeni sakhe kwakulabantu abazinkulungwane ezingamatshumi amabili lane.

16Nanzi izinduna ezinkulu ezaziphethe izizwe zakoIsrayeli. KwabakoRubeni uEliyezeri indodana kaZikiri wayeyinduna enkulu. KwabakoSimeyoni kwakunguShefethiya indodana kaMahaka.

17KwabakoLevi kwakunguHashabiya indodana kaKemuweli; koAroni kunguZadoki.

18KwabakoJuda kwakunguElihu omunye wabafowabo bakaDavida. KwabakoIsakari kwakunguOmri indodana kaMikayeli.

19KwabakoZebuluni kwakunguIshmaya indodana kaObadiya. KwabakoNafitali kwakunguJeremothi indodana kaAziriyeli.

20KwabakoEfrayimi kwakunguHosheya indodana kaAzaziya. Engxenyeni yesizwe sabakoManase kwakunguJoweli indodana kaPedaya.

21Lakwenye ingxenye yesizwe zabakoManase eGileyadi kwakunguIdo indodana kaZekariya. KwabakoBenjamini kwakunguJahasiyeli indodana kaAbineri.

22KwabakoDani kwakunguAzareli indodana kaJerohamu. Yibo labo ababezinduna zezizwe zakoIsrayeli.

23UDavida kabalanga labo ababengaphansi kweminyaka engamatshumi amabili, ngoba iNkosi uNkulunkulu yayithembise ukwenza abakoIsrayeli babe banengi njengezinkanyezi zaphezulu.

25UAzimavethi indodana kaAdiyeli wayephethe inotho yenkosi; uJonathani indodana kaUziya wayephethe inotho eyayiselizweni eyemizi leyemizana leyezinqaba.

26UEzri indodana kaKelubi wayephethe labo ababesebenza emasimini belima.

27UShimeyi waseRama wayephethe izivini. UZabidi waseShefama wayephethe izithelo zezivini zokwenza iwayini.

28UBali‐Hanani waseGederi wayephethe izihlahla zamaoliva lezamaphane ezaziseShefela. UJowashi wayephethe izindlu zamafutha.

29UShitirayi waseSharoni wayephethe inkomo ezazisidla eSharoni. UShafati indodana kaAdilayi wayephethe inkomo ezazisezigodini.

30UObili wakoIshmayeli wayephethe amakamela; uJehideya waseMeronothi ephethe obabhemikazi;

31uJaziri umHagiri ephethe izimvu. Bonke labo babengabaphathi bempahla zenkosi uDavida.

32UJonathani, isihlobo sikaDavida, wayengumeluleki, eyindoda ehlakaniphileyo lombhali; yena loJehiyeli indodana kaHakimoni babephethe abantwana benkosi.

33UAhithofeli wayengumeluleki wenkosi, loHushayi waseArki wayengumngane wenkosi.

34UAhithofeli walandelwa nguJehoyada indodana kaBenaya languAbiyatha. UJowabi wayengumphathi wempi yenkosi.