Josh 13 - Ndebele Bible (iBhayibhili Elingcwele) 1978

INkosi ilaya uJoshuwa ukwabela izizwe zakoIsrayeli ilizwe elinqotshiweyo

1UJoshuwa wayesemdala eseluphele; iNkosi yathi kuye: Usumdala, usuluphele, kanti kusasele ilizwe elikhulu ukuba linqotshwe.

2Nanti ilizwe eliseleyo; zonke indawo zamaFilistiya lezamaGeshuri,

3— kusukela eShihori elingasemngceleni weGibithe kusiya enyakatho emngceleni weEkroni kuseyilizwe lamaKanani; kulababusi abahlanu bamaFilistiya, owaseGaza lowaseAshidodi lowaseAshikeloni lowaseGathi lowaseEkroni — lendawo zamaAvi

4ngaseningizimu, lelizwe lonke lamaKanani, leMeyara elingelamaSidoni, kuze kufike eAfeki, emngceleni wamaAmori,

5lelizwe lamaGebali, lalo lonke iLebanoni, kusiya empumalanga, kusukela eBali‐Gadi ngaphansi kwentaba yaseHermoni kusiya ekungeneni kweHamathi.

6Bonke abakhileyo ezintabeni kusukela eLebanoni kusiya eMisirefothi‐Mayimi, wonke amaSidoni, ngizabaxotsha mina impela phambi kwabakoIsrayeli. Wena babele kuphela abakoIsrayeli ilizwe libe ngelabo njengoba ngikulayile.

15UMose wanika isizwe sakoRubeni ilizwe ngosendo lwaso.

16Indawo yaso yasukela eAroweri elisemaphethelweni esihotsha saseArinoni, yathatha umuzi ophakathi kwesihotsha, lamagceke wonke aseMedeba,

17leHeshiboni, lemizi yonke esemagcekeni, iDiboni leBamothi‐Bali leBeti‐Bali‐Meyoni,

18leJahazi leKedemothi leMefahahi

19leKiriyathayimi leSibima leZerethi‐Shahari entabeni yesigodi

20leBeti‐Peyori lamawatha ePisiga leBeti‐Jeshimothi

21okuyimizi yonke esemagcekeni, lombuso wonke kaSihoni inkosi yamaAmori owayebusa eHeshiboni, uMose amnqoba kanye lezikhulu zaseMidiyani, oEvi loRekemi loZuri loHuri loReba, izikhulu zikaSihoni ezazibuswa nguye, ezazihlala elizweni.

22LoBalami isanuse indodana kaPeyori, abakoIsrayeli abambulala ngomhedla kanye labanye ababulawayo.

23Umngcele wabakoRubeni wawuliJordani. Lokhu kwakuyilizwe labakoRubeni ngosendo lwabo lemizi yabo lemizana yabo.

24UMose wanika isizwe sakoGadi ilizwe ngosendo lwaso.

25Indawo yaso yayiliJazeri layo yonke imizi yaseGileyadi lengxenye yelizwe lamaAmoni kusiya eAroweri ngasempumalanga kweRaba,

26kusukela eHeshiboni kusiya eRamathi‐Mizipe laseBetonomi, kusukela laseMahanayimi kusiya emngceleni waseLodebari;

27yathatha lesigodi saseBeti‐Harama leBeti‐Nimira leSukothi leZafoni, ingxenye yombuso kaSihoni inkosi yaseHeshiboni, umngcele wayo uliJordani kuze kufike ekupheleni kolwandle lwaseKinerethi ngaphetsheya kweJordani ngasempumalanga.

28Leli yilizwe labakoGadi ngosendo lwabo lemizi yabo lemizana yabo.

29UMose wanika ingxenye yesizwe sakoManase ilizwe, banikwa ngosendo lwabo.

30Indawo yabo yasukela eMahanayimi, yadabula lonke iBashani, umbuso wonke kaOgi inkosi yaseBashani, layo yonke imizi yaseJayiri eseBashani engamatshumi ayisithupha.

31Ingxenye yeGileyadi, leAshitarothi, leEdreyi, imizi yombuso kaOgi waseBashani, kwanikwa abakoMakiri indodana kaManase ngosendo lwabo ukuba kube ngokwengxenye yabo.

32La ngamazwe uMose awaba emagcekeni aseMowabi ngaphetsheya kweJordani empumalanga kweJeriko.

33Kodwa isizwe sakoLevi uMose kasinikanga sabelo selizwe; iNkosi, uNkulunkulu kaIsrayeli, iyisabelo saso, njengokutsho kwayo kuso.