1Kwathi ngosuku lwesithathu kwaba khona umthimba eKana elaseGalili; wayekhona unina kaJesu lapho.
2LoJesu labafundi bakhe babemenyiwe emthimbeni.
3Kwathi ukuba liphele iwayini, unina kaJesu wathi kuye: Kabaselalo iwayini.
4UJesu wathi kuye: Mama, kuqondene ngaphi lawe lokhu na? Isikhathi sami kasikafiki.
5Unina wathi kubafokazi: Alibokwenza loba yikuphi azakulitshela khona.
6Kwakukhona lapho imbiza zamatshe zimi khona ngokwesiko lokuhlambulula labaJuda, inye ilamagokoko amahlanu ingabe layisikhombisa.
7UJesu wathi kibo: Gcwalisani imbiza ngamanzi. Bazigcwalisake zathi kliki.
8Wasesithi kibo: Khaninike, lise kumphathi wokudla; besake.
9Umphathi wokudla esizwa amanzi asephendulwe iwayini, engazi ukuthi livela ngaphi, lanxa abafokazi ababewakhile amanzi babesazi, umphathi wokudla wabiza umyeni,
10wathi kuye: Wonke umuntu uletha iwayini elimnandi kuqala, kuthi lapho sebenathile kakhulu, alethe elibi; wena ugcinile iwayini elimnandi kwaze kwaba khathesi.
11Lokho ukuqala kwezibonakaliso uJesu wakwenza eKana elaseGalili ebonakalisa ubukhosi bakhe, okwenza abafundi bakhe bakholwa kuye.
Abathengisi ethempelini(Mat 21:12–13; Mark 11:15–18; Luka 19:45–46)12Emva kwalokho waya eKapenawume, elonina, labafowabo, labafundi bakhe, bahlala khona insukwana.
13IPhasika labaJuda lalisondele; uJesu wenyukela eJerusalema.Eks 12:1–27
14Wafumana ethempelini labo abathengisa inkomo lezimvu lenkwilimba, labahleziyo bentshintshisa imali.
15Wasesenza umchilo wentambo, wabaxotsha bonke ethempelini, lezimvu lenkomo, wachitha imali yabantshintshisayo wagenqula amatafula abo,
16wathi kwabathengisa inkwilimba: Susani lezizinto, lingayenzi indlu kaBaba ibe yindlu yokuthengisela.
17Abafundi bakhe bakhumbula ukuba kulotshiwe ukuthi: Ukutshisekela indlu yakho kuyangidla.Hubo 69:9
18Ngakho abaJuda bathi kuye: Usitshengisa isibonakaliso bani sokwenza lezizinto na?
19UJesu waphendula wathi kibo: Dilizani lelithempeli, ngizakulivusa ngensuku ezintathu.Mat 26:61; 27:40; Mark 14:58; 15:29
20AbaJuda basebesithi: Lelithempeli lathatha iminyaka engamatshumi amane lesithupha ukwakhiwa, wenake uzakulivusa ngensuku ezintathu na?
21Kodwa wayekhuluma ngethempeli lomzimba wakhe.
22Kwathi esevukile kwabafileyo, abafundi bakhe bakhumbula ukuthi watsho njalo kibo; bakholwa umbhalo lelizwi ayelitshilo uJesu.
23Kwathi eseJerusalema emkhosini wePhasika, abanengi bebona izibonakaliso zakhe azenzayo, bakholwa ebizweni lakhe;
24kodwa uJesu kaneliswanga yikukholwa kwabo,
25ngoba wayebazi abantu bonke, langoba engadingi lobani ukuba amfakazele ngomuntu; wayekwazi yena okusemuntwini.
Who We AreWhat We EelieveWhat We Do
2025 by iamachristian.org,Inc All rights reserved.
