Izililo 4 - Ndebele Bible (iBhayibhili Elingcwele) 1978

Ukuhlutshwa kweJerusalema sekuphelele

1Yeka ukufiphala kwegolide lokuphenduka kwegolide elihle!

Amatshe endlu engcwele achithekile ekuhlanganeni kwazo zonke indlela.

2Bona amadodana aligugu aseZiyone,

abekade elingana legolide elihle kakhulu,

khathesi aselingana lembiza zebumba nje

ezenziwa yizandla zombumbi.

3Lamakhanka ayehlisa, amunyise imidlwane yawo,

kodwa abantu bami sebelesihluku njengezintshe zasenkangala.

4Ulimi lomunyayo lunamathela olwangeni lwakhe ngenxa yokoma,

abantwana bacela isinkwa kodwa kakho obaphayo.

5Ababesidla okumnandi bafela ezindleleni,

lalabo ababekhuliswa begqoka okuyibubende sebelala ezilotheni.

6Ngoba ukutshaywa kwabantu bami kube kukhulu kulokutshaywa kwabaseSodoma

elachithwa ngesikhatshana, kungekho okhalayo.

7Izikhulu zabo zazihlambulukile kulongqoqwane,

zimhlophe kulochago,

lemizimba yazo ibomvu ukwedlula amatshe athiwa yikorali,

lobuhle besimo sazo babunjengamatshe athiwa yisafire.

8Kodwa khathesi ubuso bazo sebumnyama kulomsizi,

kazisaziwa ezindleleni, lesigogo sazo sesitshwabhene phezu kwamathambo azo, soma njengogodo.

9Babengcono abafela empini kulabo ababulawa yindlala,

abafa bebulawa yikuswela izithelo zasemasimini.

10Izandla zabesifazana abalesihawu zapheka abantwana babo,

baba yikudla kwabo ekubhujisweni kwabantu bami.

11INkosi yaphelelisa ukuthukuthela kwayo,

yehlisa ulaka lwayo olutshisayo,

yaphemba umlilo eZiyone owaqothula izisekelo zalo.

12Amakhosi omhlaba kawakholwanga,

kanye labakhileyo emhlabeni,

ukuthi umufo lesitha singangena emasangweni eJerusalema.

13Kwakungenxa yezono zabaprofethi balo lobubi babapristi balo,

ababechitha igazi labalungileyo phakathi kwalo.

14Bazula njengeziphofu ezindleleni, begcwele igazi,

kungekho ongathinta izambatho zabo.

15Abantu bathi: Sukani, lingcolile!

Sukani, sukani! Lingasithinti.

Ngakho basebesiba ngabazingelwayo labazulayo.

Abantu bathi phakathi kwezizwe:

Kabasayikuhlala lathi.

16INkosi uqobo ibahlakazile, kayisayikubananza.

Abapristi kabasahlonitshwanga,

labadala kabasenzelwanga umusa.

17Amehlo ethu afiphala lokhu silindele ukusizwa,

ekulindeleni kwethu salindela isizwe esingelakusiza.

18Abantu basizingela ukuze singahambi endleleni zethu.

Ukuphela kwethu kwasondela, lensuku zethu zaphela,

ngoba ukuphela kwethu kwasekufikile.

19Abasizingelayo babelejubane kulamanqe aphezulu,

baxotshana lathi ezintabeni,

basicathamela enkangala.

20Ogcotshiweyo weNkosi, umoya wokuphila kwethu,

wabanjwa emigodini yabo,

yena esasithi ngaye:

Ngaphansi komthunzi wakhe siyahlala

phakathi kwezizwe.

21Jabula uthabe, wena Edoma,

ohlala elizweni laseUzi,

inkezo izadlulela lakuwe,

uzadakwa, uzinqunule.

22Ukutshaywa ngenxa yobubi bakho sekuphelele, wena Ziyone.

Kayisayikuliyekele ekuthunjweni.

Kodwa, wena Edoma, uzatshaywa ngenxa yobubi bakho,

izakwambula izono zakho.