Mat 24 - Ndebele Bible (iBhayibhili Elingcwele) 1978

UJesu ukhuluma ngokuchithwa kweJerusalema langokuphela kwesikhathi(Mark 13:1–37; Luka 21:5–36)

1Kwathi uJesu ephuma ethempelini, esehamba, kwasondela abafundi bakhe ukumtshengisa izakhiwo zethempeli.

2Wabaphendula wathi: Liyazibona zonke lezizinto na? Ngiqinisile ngithi kini: Kakuyikusala lapha ilitshe elilodwa phezu kwelinye elingayikudilizelwa phansi.

3Kwathi esehlezi entabeni ethiwa iOliveti abafundi beza kuye bebodwa, bathi: Sitshele ukuthi lokhu kuzakuba njalo nini? Isibonakaliso sokuza kwakho lesokuphela kwesikhathi sizakuba yini?

4UJesu wabaphendula wathi: Qaphelani lingaduhiswa muntu.

5Ngoba abanengi bazakuza ngebizo lami besithi: Mina nginguKristu; baduhise abanengi.

6Lizakuzwa ngezimpi lamahungahunga ezimpi. Khangelani lingethuki, ngoba lokhu kufanele kwenzeke, kodwa ukuphela kuzabe kungakafiki.

7Ngoba isizwe sizakuvukela isizwe, lombuso uvukele umbuso; kube khona indlala lokuzamazama komhlaba indawo ngendawo.

8Zonke lezizinto ziyikuqala komhelo wesikhathi esizayo.

9Laphoke bazakulinikela ekuhluphekeni, balibulale; lizakuzondwa yizizwe zonke ngenxa yebizo lami.

29Masinyane emva kokuhlupheka kwalezonsuku ilanga lizakufiphala, lenyanga kayiyikukhanya, lenkanyezi zizakuwa ezulwini, lamandla ezulu azakuzanyazanyiswa.Isa 13:10; 34:4; Hez 32:7; Jow 2:10, 31; 3:15; Isam 6:12, 13

30Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.Dan 7:13; Isam 1:7

31Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

32Fundani umfanekiso emkhiweni; nxa ugatsha lwawo selubuthakathaka, luhlume amahlamvu, liyazi ukuba ihlobo seliseduze.

33Kunjalo lani, nxa libona lezizinto zonke, yazini ukuba sekuseduze sekusemnyango.

34Ngiqinisile ngithi kini: Lesisizukulwana kasiyikudlula zingakenzeki izinto zonke lezi.

35Izulu lomhlaba kuzakudlula, kodwa amazwi ami kawayikudlula.

36Kodwa lolosuku lalesosikhathi kakho muntu owaziyo ngaso, kanye lezithunywa zasezulwini, leNdodana, ngaphandle kukaBaba kuphela.

37Ngoba njengasensukwini zikaNowa, kuzakuba njalo ukufika kweNdodana yomuntu.Gen 6:5–8

38Ngoba ngalezonsuku ezazingaphambili kukazamcolo babesidla, benatha, bethatha, besendiswa, kwaze kwafika usuku uNowa angena ngalo emkolweni,

39babengazi kwaze kwafika uzamcolo wabakhukhula bonke; kuzakuba njalo ukufika kweNdodana yomuntu.Gen 7:6–24

40Ngalesosikhathi kuzakuba khona ababili ensimini; omunye uzasuswa; omunye atshiywe;

41kuzakuthi abesifazana ababili bechola elitsheni, omunye asuswe, omunye atshiywe.

42Ngakho lindani, ngoba kalazi ukuthi iNkosi yenu izakufika ngaluphi usuku.

43Kodwa yazini lokhu kokuthi, uba umnumzana ebesazi isikhathi isela elizafika ngaso, ubezakulinda, angavumi ukuba indlu yakhe ifohlelwe.Luka 12:39–40

44Ngakhoke lanike hlalani lilungile, ngoba iNdodana yomuntu izakuza ngesikhathi elingasilindelanga.

Umfanekiso wenceku ethembekileyo lowengathembekanga(Luka 12:42–46)

45Pho, ngubani umphathi wezinceku othembekileyo lohlakaniphileyo, inkosi yakhe embeke phezu kwabendlu yayo ukuba abanike ukudla ngesikhathi esifaneleyo na?

46Ibusisiwe leyonceku okuzakuthi inkosi yayo nxa ifika iyifumane isenza njalo.

47Ngiqinisile ngithi kini: Izakuyibeka phezu kwakho konke elakho.

48Kodwa nxa leyonceku embi icabanga isithi: Inkosi yami ilibele;

49ibisiqala ukuhlupha abayizinceku kanye layo, idle, inathe lezidakwa;

50inkosi yaleyonceku izakufika ngosuku engayilindele ngalo langesikhathi engasaziyo;

51izakuyiqumaquma, iyabele labazenzisi; kuzakuba khona lapho ukukhala lokugedla amazinyo.