1Ngosuku lwesificaminwembili uMose wabiza uAroni lamadodana akhe labalisa bakoIsrayeli.
2Wathi kuAroni: Thatha ithole elingelasici libe ngumnikelo wesono, lenqama engelasici ibe ngumnikelo wokutshiswa, ukunikele eNkosini.
3Tshono ebantwini bakoIsrayeli uthi: Thathani impongo ibe ngumnikelo wesono, lethole lewundlu, womabili abe lomnyaka munye angelasici, abe ngumnikelo wokutshiswa,
4lithathe lenkabi lenqama zibe yiminikelo yokuthula, zihlatshwe phambi kweNkosi, lomnikelo wempuphu exubene lamafutha; ngoba lamhla iNkosi izabonakala kini.
5Basebeletha lokho uMose akulayayo emnyango wethente lokuhlangana; lonke ibandla lasondela, lema phambi kweNkosi.
6UMose wathi: Yikho lokhu iNkosi elilaye ngakho ukuba likwenze, lenkazimulo yeNkosi izabonakala kini.
7UMose wathi kuAroni: Sondela ealtareni, unikele umnikelo wakho wesono lomnikelo wakho wokutshiswa, uzenzele wena labantu indlela yokubuyisana; letha lomnikelo wabantu, ubenzele indlela yokubuyisana, njengokulaya kweNkosi.
8UAroni wasesondela ealtareni, walihlaba ithole lomnikelo wesono ongowakhe.
9Amadodana kaAroni amnika igazi, wacwilisa umunwe wakhe kulo, walininda empondweni zealtare, walithululela phansi kwealtare;
10kodwa amahwahwa, lezinso, lamahwahwa angaphezu kwesibindi emnikelweni wesono wakutshisa ealtareni, njengokutsho kweNkosi kuMose.
11Watshisa inyama lesikhumba ngomlilo ngaphandle kwezihonqo.
12Wasehlaba umnikelo wokutshiswa; amadodana akhe amnika igazi, walikhaphazela ealtareni inxa zonke.
13Amnika umnikelo wokutshiswa izitho ngezitho kanye lenhloko; wakutshisa ealtareni.
14Wagezisa imibilini lemilenze, wayitshisa kanye lomnikelo wokutshiswa ealtareni.
15Waseletha umnikelo wabantu, wathatha imbuzi yomnikelo wesono ongowabantu, wayihlaba, wanikela ngayo ngenxa yesono, njengomnikelo wokuqala.
16Waletha umnikelo wokutshiswa, wanikela ngawo njengokwesimiso.
17Waseletha umnikelo wempuphu, wagcwalisa isandla sakhe ngawo, wawutshisa ealtareni kanye lomnikelo wokutshiswa wasekuseni.
18Wahlaba lenkabi lenqama ezingumhlatshelo weminikelo yokuthula owabantu; amadodana akhe amnika igazi; walikhaphazela ealtareni inxa zonke.Levi 3:1–11
19Amahwahwa enkabi lawenqama, lomsila ononileyo, ledanga lemibilini, lezinso, lamahwahwa angaphezu kwesibindi,
20amadodana akhe abeka amahwahwa la phezu kwezifuba; uAroni wawatshisa ealtareni;
21kodwa izifuba lomlenze wokunene uAroni wakuzunguza zaba ngumnikelo wokuzunguzwa phambi kweNkosi, njengokulaya kukaMose.
22UAroni wasephakamisela izandla zakhe ebantwini, wababusisa. Wehla ekunikeleni umnikelo wesono lomnikelo wokutshiswa leminikelo yokuthula.Nani 6:22–26
23UMose loAroni bangena ethenteni lokuhlangana; ekuphumeni kwabo bababusisa abantu, lenkazimulo yeNkosi yabonakala kubo bonke.
24Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.
Who We AreWhat We EelieveWhat We Do
2025 by iamachristian.org,Inc All rights reserved.
