1Kwathi emva kokufa kukaSawuli, uDavida esebuyile ekubulaleni amaAmaleki, wahlala insuku ezimbili eZiklagi.
2Kwathi ngosuku lwesithathu kwafika umuntu evela ezihonqweni zikaSawuli, izigqoko zakhe zidabukile, egcwele lothuli ekhanda lakhe. Wathi efika kuDavida wawa phansi, wakhuleka.
3UDavida wathi kuye: Uvela ngaphi na? Yena wathi kuye: Ngibalekile ezihonqweni zakoIsrayeli.
4UDavida wasesithi kuye: Kuqhubeke njani na? Akungitshele. Yena waphendula wathi: Abantu babalekile empini, labantu abanengi bafile; uSawuli lendodana yakhe uJonathani labo bafile.
5UDavida wasesithi kuleyonsizwa eyayimbikela: Wazi ngani ukuba uSawuli lendodana yakhe uJonathani bafile na?
6Leyonsizwa eyayimbikela yathi: Kuthe ngisentabeni yaseGilibowa, ngabona uSawuli ekhotheme ebambelele ngomkhonto wakhe, inqola zokulwa lamabhiza kwasekumzingelezela.
19Udumo lwakho, Israyeli, lubulewe ezindaweni zakho eziphakemeyo.
Maye ngokuwa kwamaqhawe!
20Lingakuxoxi eGathi,
lingakumemezeli ezindleleni zaseAshikeloni,
funa athokoze amadodakazi amaFilistiya,
athabe lamadodakazi abangasokanga.
21Lina zintaba zaseGilibowa,
kakungabi khona amazolo lezulu phezu kwenu,
lina zintaba zokufa.
Ngoba izihlangu zamaqhawe zangcoliswa khona;
isihlangu sikaSawuli singagcotshwanga ngamafutha,
22Egazini lababuleweyo lasemahwahweni amaqhawe
umtshoko kaJonathani kawuphuthanga,
lomkhonto kaSawuli kawubuyelanga uze.
23USawuli loJonathani babethandeka, bebahle.
Ekuphileni lasekufeni kwabo kabehlukaniswanga;
babelejubane kulenkozi, belamandla kulezilwane.
24Lina madodakazi akoIsrayeli, mkhaleleni uSawuli,
owaligqokisa kuhle ngokubomvu,
wacecisa izigqoko zenu ngeziceco zegolide.
25Maye ngokuwa kwamaqhawe ekulweni!
Jonathani, ubulawelwe endaweni zakho eziphakemeyo!
26Ngidabukile ngawe, mfowethu Jonathani;
ubulungile kakhulu kimi;
belumangalisa kimi uthando lwakho,
lusedlula uthando engithanda ngalo isifazana.
27Kwenze njani ukuba amaqhawe awe,
kuphele lezikhali zokulwa!
Who We AreWhat We EelieveWhat We Do
2025 by iamachristian.org,Inc All rights reserved.
