1USawuli waba yinkosi — wabusa uIsrayeli —
2USawuli wakhetha koIsrayeli abantu abayizinkulungwane ezintathu; abayizinkulungwane ezimbili babe laye eMikimashi lasezintabeni zaseBetheli, lenkulungwane yaba loJonathani eGibeya elakoBenjamini; abanye wababuyisela emakhaya.
3UJonathani wabulala induna yamaFilistiya eyayiseGeba, lamaFilistiya akuzwa lokho. USawuli wakhalisa uphondo elizweni lonke esithi: AmaHeberu kawezwe.
4Bonke abakoIsrayeli bezwa kuthiwa uSawuli ubulele induna yamaFilistiya lokuthi uIsrayeli useyisinengiso kumaFilistiya. Abantu bonke babizwa ukulandela uSawuli eGiligali.
5AmaFilistiya abuthana ukuba alwe loIsrayeli, ayelenqola zokulwa eziyizinkulungwane ezingamatshumi amathathu, labagadi bamabhiza abayizinkulungwane eziyisithupha, lamabutho alingana letshebetshebe elisokhunjini lolwandle ngobunengi; afika, amisa eMikimashi, ngasempumalanga kweBeti‐Aveni.
6Kwathi abantu bakoIsrayeli bebona ukuthi basebunzimeni — ngoba beminyezelwa kakhulu — bacatsha embalwini, lasemilindini, lasemaweni, lasemalibeni, lasemigodini.
7Abanye bachapha iJordani, bawelela eGadi leGileyadi. USawuli wayelokhu eseGiligali, labantu bonke bamlandela bethuthumela.
8Walinda khona insuku eziyisikhombisa, isikhathi esamiswa nguSamuweli; kodwa uSamuweli kafikanga eGiligali, labantu basebeqala ukumtshiya uSawuli.
15USamuweli wasesuka eGiligali, wahamba. Abantu bamlandela uSawuli owayebuyela emabuthweni akhe. Basuka eGiligali baya eGibeya elakoBenjamini. USawuli wasebala abantu ababelaye, babengamakhulu ayisithupha.
16USawuli lendodana yakhe uJonathani, labantu ababelabo bahlala eGeba elakoBenjamini; kodwa amaFilistiya amisa eMikimashi.
17Abaphangi baphuma ezihonqweni zamaFilistiya ngezigaba ezintathu; esinye isigaba saqonda eOfira, elizweni laseShuwali,
18esinye saqonda eBeti‐Horoni, esinye saqonda emngceleni okhangelene lesihotsha saseZeboyimi ngasenkangala.
19Kwakungasekho mkhandi elizweni lonke lakoIsrayeli, ngoba amaFilistiya azimisela ukuba amaHeberu angazenzeli imihedla lemikhonto.
20Bonke abantu bakoIsrayeli babesiya kumaFilistiya ukulola amakhuba abo, lemataka zabo, lamahloka abo, lamasikela abo.
21Imali yokulola ikhuba lemataka yayiluhlamvu lwemali, leyokulola lokuphisela incijo iyingxenye yesithathu yeshekeli.
22Ngakho lapho impi iqalisa, kwakungelamantu owayelomhedla loba umkhonto kulabo ababeloSawuli loJonathani; kwakunguSawuli lendodana yakhe uJonathani kuphela ababelayo.
23AmaFilistiya akhupha ibutho ukuvimba intuba yaseMikimashi.
Who We AreWhat We EelieveWhat We Do
2025 by iamachristian.org,Inc All rights reserved.
