1Lathi kimi: Ndoda, sukuma ume ngenyawo, ngizakhuluma kuwe.
2Lisakhuluma lami kwangena kimi umoya; wangimisa ngenyawo zami; ngalilalela likhuluma,
3lathi kimi: Ndoda, ngiyakuthuma ebantwini bakoIsrayeli, esizweni esihlamukayo, esingivukelayo. Bona labokhokho babo bonile kimi kuze kube lamuhla.
4Lalesisizukulwana engikuthuma kiso silukhuni, kasizwa lapho usithi kiso: Nanka amazwi eNkosi uNkulunkulu;
5bazakwazi ukuthi kukhona umprofethi phakathi kwabo loba belalela, loba bengalaleli, ngoba bayisizwe esihlamukayo.
6Ndoda, ungabesabi, ungawesabi lamazwi abo, lanxa usemeveni, uhlezi phezu kwabofezela. Ungawesabi amazwi abo, ungabesabi, ngoba bayisizwe esihlamukayo.
7Uzakhuluma amazwi ami kibo, loba besizwa loba bengezwa; ngoba bayisizwe esihlamukayo.
8Kodwa wena ndoda, zwana engikutshoyo kuwe; ungabi ngohlamukayo njengalesisizwe esihlamukayo; vula umlomo wakho, udle engikunika khona.
9Kwathi lapho ngikhangela, ngabona isandla eselulelwe kimi siphethe umqulu wencwadi.Isam 5:1
10Sawusombulula phambi kwami, wawubhaliwe ngaphakathi langaphandle amazwi okulila lokukhala lokububula.
Who We AreWhat We EelieveWhat We Do
2025 by iamachristian.org,Inc All rights reserved.
