1Emva kwalokho uDavida wahlasela amaFilistiya, wawahlula, wawathathela iMethegama.1 Lan 18:1–17
2Wanqoba amaMowabi, wawalalisa phansi, wawalinganisa ngentambo; kuyo yonke imizila ngamibili eyababulawayo umzila owodwa opheleleyo wayekelwa. AmaMowabi aba yizinceku zikaDavida, athela kuye.
3UDavida wabuya wahlasela wanqoba uHadadezeri indodana kaRehobi inkosi yaseZoba, ekuhambeni kwakhe ukubuyisa umbuso wakhe ngasemfuleni iYufrathi.
4UDavida wathumba kuye abamabhiza abayinkulungwane lamakhulu ayisikhombisa, lamabutho ahamba ngenyawo abayizinkulungwane ezingamatshumi amabili; waquma imisipha yawo wonke amabhiza enqola zokulwa, kodwa watshiya amabhiza alingana izinqola zokulwa ezilikhulu.
5Lapho amaSiriya aseDamaseko efika ukusiza uHadadezeri inkosi yaseZoba, uDavida wabulala abantu abayizinkulungwane ezingamatshumi amabili lambili kumaSiriya.
6Wasebeka amabutho okulinda eAramu elaseDamaseko, amaSiriya aba zinceku zakhe, athela kuye. INkosi yamnika uDavida ukunqoba endaweni zonke aya kizo.
7UDavida wathatha izihlangu zegolide ezaziphethwe yizinceku zikaHadadezeri, waziletha eJerusalema.
8Emizini kaHadadezeri iBeta leBerothayi uDavida wathatha ithusi elinengi kakhulu.
9Lapho uToyi inkosi yaseHamathi esizwa ukuthi uDavida uyahlule yonke impi kaHadadezeri,
10uToyi wathumela uJoramu indodana yakhe enkosini uDavida ukuyibingelela lokuyenzela amhlophe, ngoba ilwe loHadadezeri yamahlula; ngoba uHadadezeri wayandise ukulwa loToyi. UJoramu wafika lezitsha zesiliva, lezegolide, lezethusi;
11inkosi uDavida yazahlukanisela iNkosi kanye lesiliva legolide eyayilahlukanisele iNkosi livela ezizweni zonke eyayizahlule,
12eEdoma, eMowabi, lakumaAmoni, lakumaFilistiya, leAmaleki, lasempangweni kaHadadezeri indodana kaRehobi, inkosi yaseZoba.
13UDavida wazenzela ibizo elilodumo ekubuyeni kwakhe ngokubulala amaEdoma ayizinkulungwane ezilitshumi lesificaminwembili esihotsheni seTshwayi;
14wabeka amabutho okulinda eEdoma lonke, labo bonke abaseEdoma baba zinceku zikaDavida. INkosi yamnika uDavida ukunqoba endaweni zonke aya kizo.
15UDavida wambusake wonke uIsrayeli; wahlulela wenza ukulunga kubo bonke abantu bakhe.
16UJowabi indodana kaZeruya wayephethe impi, uJehoshafati indodana kaAhiludi wayengumbhali;
17uZadoki indodana kaAhitubi loAhimeleki indodana kaAbiyatha babengabapristi; uSeraya wayengumabhalani;
18uBenaya indodana kaJehoyada wayephethe amaKerethi lamaPelethi ayengabalindi; amadodana kaDavida ayengabapristi.
Who We AreWhat We EelieveWhat We Do
2025 by iamachristian.org,Inc All rights reserved.
