Hubo 149 - Ndebele Bible (iBhayibhili Elingcwele) 1978

UIsrayeli kadumise iNkosi

1Dumisani iNkosi!

Hlabelelani iNkosi ingoma entsha,

indumiso yayo ibe sebandleni labathembekileyo.

2UIsrayeli kathokoze ngoMenzi wakhe,

lamadodana aseZiyone athabe eNkosini yawo.

3Kabadumise ibizo layo ngokusina,

bayitshayele isigubhu lechacho.

4Ngoba iNkosi iyathokoza ngabantu bayo;

iyabanika ukunqoba abathobekileyo.

5Abathembekileyo kabathokoze ngenxa yokunqoba kwabo,

bahlabele ngokujabula emacansini abo.

6Izibongo zikaNkulunkulu kazibe semilonyeni yabo,

lemikhonto ecijileyo ibe sezandleni zabo,

7ukuba benze impindiselo phezu kwezizwe,

lokujezisa izizwe,

8babophe amakhosi azo ngamaketane,

lezikhulu zazo ngezibopho zensimbi,

9benze phezu kwazo isahlulelo esilotshiweyo.

Lokhu kuludumo kubo bonke abangcwele bayo.

Dumisani iNkosi!