1Uba lilalela ilizwi leNkosi uNkulunkulu wenu, ligcine kuhle yonke imilayo yayo engililaya yona lamuhla, iNkosi uNkulunkulu wenu izaliphakamisa phezu kwazo zonke izizwe zomhlaba.
16Lizaqalekiswa emzini, liqalekiswe futhi ensimini.
17Kuzaqalekiswa isitsha senu lomganu wenu wokuxovela izinkwa.
18Kuzaqalekiswa inzalo yenu, lezithelo zomhlaba wenu, lokwanda kwenkomo zenu lezimvu zenu.
19Lizakuqalekiswa ekuhambeni kwenu konke.
20INkosi izakuthuma phezu kwenu iziqalekiso lenhlupheko lenkathazo kukho konke elizakukwenza, lize libhubhe liphele masinyane, ngenxa yezenzo zenu ezimbi ngoba lingidelile.
21INkosi izalinamathelisa isifo, lize liphele elizweni elingena kulo ukulithumba.
22INkosi izakulitshaya ngofuba, langomkhuhlane, langokuvuvuka komzimba, langokutshisa okukhulu, langendlala, langokuhanguka, langengumane; konke lokhu kuzakulixotsha lize libhubhe.
23Isibhakabhaka ngaphezu kwenu sizakuba lithusi, lomhlabathi ngaphansi kwenu ube yinsimbi.
24INkosi izakuphendula izulu elina elizweni lakini libe ngumsizi lothuli, kwehlele phezu kwenu kuvela phezulu, lize libhubhe.
25INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.
26Isidumbu sakho sizakuba yikudla kwezinyoni zonke zaphezulu lokwezinyamazana zasemhlabeni, kungabi khona muntu ozixotshayo.
27INkosi izakukwehlisela amathumba aseGibithe, lamaqhubu, loqweqwe, lenkomo, elingelakwelatshwa kukho.
28INkosi izakukwehlisela ubuhlanya lobuphofu lokudideka kwengqondo,
29uphumputhe emini njengesiphofu siphumputha emnyameni, ungaphumeleli ekuhambeni kwakho; ucindezelwe kuphela, uphangwe njalonjalo, kungabi khona muntu okusizayo.
30Uzalobola umfazi, omunye umuntu alale laye; uzakwakha indlu, ungahlali kuyo; uhlanyele isivini, ungakhi izithelo zaso.
31Inkabi yakho izahlatshwa phambi kwakho, ungayidli; ubabhemi wakho athathwe ngodlakela phambi kwakho, angabuyiselwa kuwe; izimvu zakho zinikwe izitha zenu, kungabi lamuntu okusizayo.
32Amadodana lamadodakazi akho azakunikelwa kwesinye isizwe, lamehlo akho azakufiphala ngokuwalindela langokuwakhalela insuku ngensuku; izandla zakho kaziyikuba lamandla okusiza.
33Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,
34uze uhlanyiswe yizinto amehlo akho azibonayo.
35INkosi izakukutshaya emadolweni lasemilenzeni ngamathumba amabi ongelakwelatshwa kuwo, kusukela enyaweni zakho kuze kube sekhanda lakho.
36INkosi izalinikela lina lenkosi yenu elayibeka ukulibusa esizweni elingasaziyo lina labokhokho benu, likhonze lapho abanye onkulunkulu abenziwe ngesigodo langelitshe.
37Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.
38Lizakuhaza inhlanyelo enengi ensimini, livune okuyingcosana kuphela, ngoba kuzadliwa yisikhongwane.
39Lizakuhlanyela izivini, lizihlakulele, kodwa kaliyikunatha iwayini, kaliyikubutha izithelo zazo, ngoba imihogoyi izakuzidla.
40Kuzabuka khona izihlahla zeoliva kulo lonke ilizwe lakini, kodwa kaliyikugcoba lina ngamagcobo azo, ngoba izithelo zazo zizakuvuthuka.
41Lizakuzala amadodana lamadodakazi, kodwa kawayikuba ngawenu, ngoba azakuthunjwa.
42Zonke izihlahla zenu lezithelo zomhlaba wenu zizakudliwa yisikhongwane.
43Owemzini ohlala phakathi kwenu uzakuphakama phezu kwenu njalonjalo, lina lehlele phansi njalonjalo.
44Yena uzakuleboleka, lingameboleki; yena uzakuba yinhloko, lina libe ngumsila.
45Zonke leziziqalekiso zizakwehlela phezu kwenu, zixotshane lani, zilifice, lize libhubhe, ngoba kalilalelanga ilizwi leNkosi uNkulunkulu wenu, kaligcinanga imilayo yayo lezahlulelo zayo eyalilaya zona.
46Zizakwehlela phezu kwenu laphezu kwenzalo yenu kokuphela zibe yisibonakaliso sokwahlulelwa kukaNkulunkulu.
47Njengoba lingayikhonzanga iNkosi uNkulunkulu wenu ngokuthokoza langenhliziyo ejabulayo ngenxa yobunengi bempahla yenu yonke,
48lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.
49INkosi izalithumela isizwe esivela khatshana emkhawulweni womhlaba ukulihlasela, sifike ngejubane lokhozi, isizwe elingalwaziyo ulimi lwaso,
50isizwe esesabekayo, esingahloniphi abadala, esingelamusa kwabatsha.
51Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.
52Sizakulivimbezela kuyo yonke imizi yenu, ize idilike kulo lonke ilizwe imiduli yenu ephakemeyo leqinileyo elithembela kuyo; sizakulivimbezela emizini yenu yonke kulo lonke ilizwe lakini iNkosi uNkulunkulu wenu elinike lona.
53Ekuvinjezelweni lasekuhluphekeni kwenu elizakwehliselwa yizitha zenu lizakudla abantwana benu, inyama yamadodana leyamadodakazi enu iNkosi uNkulunkulu wenu alinike wona.
54Umuntu obuthakathaka lototoziweyo phakathi kwenu kayikunika umfowabo ukudla, lomkakhe othandekayo, labantwana bakhe abaseleyo;
55ngitsho kayikubanika inyama yabantwana bakhe abadlayo, ngoba engaselalutho ngenxa yokuvinjezelwa lokuhlupheka izitha zenu ezizakwehlisela phezu kwayo yonke imizi yenu.
56Owesifazana obuthakathaka lototoziweyo phakathi kwenu obengelasibindi sokunyathela phansi, ngoba ebuthakathaka kakhulu, njalo etotoziwe sibili, uzakwalela indoda yakhe ethandekayo, lendodana yakhe, lendodakazi yakhe,
57ukuba badle umnakwabo ophuma kuye kanye labantwana azakubazala; ngoba uzakubadla ensitha ekusweleni kwakhe, ekuvinjezelweni lasekuhluphekeni izitha zenu ezizakulehlisela khona.
58Uba lingagcini kuhle wonke amazwi alumlayo alotshiweyo ogwalweni lolu, ukuba lesabe lelibizo elilodumo lelesabekayo lokuthi: INkosi uNkulunkulu wenu;
59iNkosi izakulehlisela labantwana benu inhlupheko ezimangalisayo, ezinkulu lezingelakuphela, lemikhuhlane emikhulu lengelakuphela.
60Izakuphinda ukwehlisela phezu kwenu zonke izifo zaseGibithe elizesabayo, zinamathele kini,
61kanye lazo zonke izifo lezinhlupheko ezingalotshwanga ogwalweni lwalumlayo, lize libhubhe.
62Lanxa belingangenkanyezi zaphezulu ngobunengi, lizasala seliyingcosana, ngoba kalilalelanga ilizwi leNkosi uNkulunkulu wenu.
63Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.
64INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.
65Phakathi kwalezozizwe kaliyikuba lokuthula kanye lendawo lapho lingabeka khona inyawo zenu; kodwa lapho iNkosi izakulipha inhliziyo ethuthumelayo lamehlo afipheleyo lomphefumulo ohluphekileyo.
66Ukuphila kwenu kakuyikuba leqiniso; lizakutshaywa luvalo emini lebusuku, lingabi lethemba lokuphila.
67Ekuseni lizakuthi: Kungathi kungahlwa! kusihlwa lithi: Kungathi kungasa! ngenxa yokwesaba okuzakwehlela kini langenxa yezinto elizakuzibona.
68INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.
Who We AreWhat We EelieveWhat We Do
2025 by iamachristian.org,Inc All rights reserved.
