1Ngomnyaka wamatshumi amathathu lesithupha wokubusa kukaAsa uBahasha inkosi yakoIsrayeli wahlasela uJuda, wakha iRama ukuvalela abantu ukuba bangahambelani loAsa inkosi yakoJuda.
2UAsa wasethatha isiliva legolide okwakusenothweni yethempeli lakweyakhe indlu, wakuthumela kuBenihadadi inkosi yaseSiriya owayehlala eDamaseko, wathi:
3Ake senze isivumelwano njengobaba loyihlo; ngiyakuthumela nanso isiliva legolide. Yephula isivumelwano sakho loBahasha inkosi yakoIsrayeli ukuze asuke kimi.
4UBenihadadi wayilalela inkosi uAsa, wathumela induna zakhe zempi ukuhlasela imizi yakoIsrayeli, zathumba iIjoni leDani leAbeliâMayimi, lemizi yonke yokugcinela amabele yakoNafitali.
5Kwathi uBahasha ekuzwa lokhu wayekela ukwakha iRama, wawumisa umsebenzi wakhe.
6Inkosi uAsa yasithatha bonke abakoJuda, basusa amatshe eRama kanye lezigodo uBahasha ayesakha ngakho; uAsa wakha ngakho iGeba leMizipa.
7Ngalesosikhathi uHanani umboni wafika kuAsa inkosi yakoJuda, wathi kuye: Ngoba uthembele enkosini yaseSiriya, ungathembelanga eNkosini uNkulunkulu wakho, impi yenkosi yakoIsrayeli ikuphunyukile.
8AmaEtiyopiya lamaLibiya ayengesiyo impi enkulu, elezinqola zokulwa ezinengi labagadi bamabhiza abanengi na? Kanti ngoba uthembele eNkosini, yawanikela esandleni sakho.
9Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.
10UAsa wamthukuthelela umboni, wamfaka entolongweni, ngoba wamthukuthelela kakhulu ngalokhu. UAsa wenza isihluku ebantwini abathile ngasona lesosikhathi.
11Indaba zikaAsa, kusukela ekuqaleni kuze kube sekucineni, zilotshiwe ogwalweni lwamakhosi akoJuda lakoIsrayeli.
12Ngomnyaka wamatshumi amathathu lesificamunwemunye wokubusa kwakhe uAsa wabulawa zinyawo, umkhuhlane wakhe wakhula kakhulu; kodwa lasekuguleni kwakhe kayidinganga iNkosi, wadinga usizo ezinyangeni.
13Waya kwabaphansi, wabhubha ngomnyaka wamatshumi amane lanye wokubusa kwakhe.
14Bamngcwaba elibeni ayezigebhele lona emzini kaDavida; bambeka phezu kwethala elaligcwele amakha enhlobo ezinengi ayenziwe ngokuhlakanipha kwezingcitshi zamakha; babasa umlilo omkhulu ukumphelekezela.
Who We AreWhat We EelieveWhat We Do
2025 by iamachristian.org,Inc All rights reserved.
