Seb 15 - Ndebele Bible (iBhayibhili Elingcwele) 1978

Umhlangano wabaphostoli eJerusalema

1Kwehla amadoda athile evela eJudiya, afundisa abazalwane athi: Uba lingasokwa ngomlayo kaMose, lingesiliswe.

17ukuze abaseleyo babantu kanye lezizwe zonke bayifune iNkosi

ababizwe ngebizo lami,

18kutsho iNkosi eyenza ukuba lezizinto zaziwe kwasekuqaleni.

19Ngakho mina ngithi asingabakhathazi labo kwabezizwe abaphendukela kuNkulunkulu,

20kodwa asibalobele ukuba bazile amanyala ezithombe, lokufeba, lokukhanyiweyo, legazi.Eks 34:15–17; Levi 17:10–16; 18:6–23

21Ngoba uMose ulabo abamtshumayelayo emizini yonke kusukela ezizukulwaneni zasendulo, uyafundwa emasinagogeni amaSabatha wonke.

22Kwasekusiba kuhle kubaphostoli lakwabadala kanye lebandla lonke ukuba kukhethwe amadoda phakathi kwabo athunywe eAntiyoki kanye loPawuli loBarnabasi; basebethuma uJudasi othiwa nguBarsaba loSilasi, amadoda amakhulu phakathi kwabazalwane;

23basebeloba ngesandla sabo ukuthi: Thina abaphostoli labadala labazalwane, siyabingelela abazalwane abangabezizwe eAntiyoki, leSiriya, leKilikhiya.

24Njengokuba sizwile ukuthi abantu abathile abavela kithi balikhathazile ngamazwi, bedunga ingqondo zenu ngesingabalayanga khona,

25kube kuhle kithi sihlangene ukuba siwakhethe amadoda athile siwathume kini kanye labathandekayo bethu uBarnabasi loPawuli,

26abantu abadele ukusila kwabo ngenxa yebizo leNkosi yethu uJesu Kristu.

27Ngakhoke sithumile uJudasi loSilasi abazakulitshela lezizinto ngomlomo.

28Ngoba kube kuhle kuMoya oNgcwele lakithi ukuba singalethwesi umthwalo omkhulu ngaphandle kwalezizinto ezifunekayo

29zokuthi lizile okuhlatshelwe izithombe, legazi, lokukhanyiweyo, lokufeba; uba lizilondoloza kulezizinto, lobe lenze kuhle. Salani kuhle.

30Ngakho sebethunyiwe basuka behlela eAntiyoki. Sebelihlanganisile ibandla, balinika incwadi.

31Sebeyifundile bathokoza ngokululeka kwayo.

32UJudasi loSilasi, njengokuba labo babengabaprofethi, balaya abazalwane ngamazwi amanengi, babaqinisa.

33Sebehlale khona isikhathi, bavaleliswa ngokuthula ngabazalwane, ukuba babuyele kulabo ababethunywe yibo.

35Kodwa uPawuli loBarnabasi basala eAntiyoki, befundisa betshumayela ilizwi leNkosi kanye labanye abanengi.

Ukwahlukana kukaPawuli loBarnabasi

36Emva kwensuku ezithile uPawuli wasesithi kuBarnabasi: Ake sibuye sihambele abazalwane emizini yonke lapho esatshumayela khona ilizwi leNkosi, sibone ukuba bahlezi njani.

37UBarnabasi wafuna ukuba bathathe uJohane othiwa nguMarko bahambe laye.

38Kodwa uPawuli wathi kakufanele ukuba bahambe laye owabatshiya ePamfiliya, kaze aya labo emsebenzini.Seb 13:13

39Kwasekuvela ukuphikisana okukhulu, basebesahlukana; uBarnabasi wathatha uMarko, wahamba laye ngomkolo, baya eKuprosi.

Uhambo lwesibili lukaPawuli

40Kodwa uPawuli wakhetha uSilasi, esenikelwe emuseni weNkosi ngabazalwane wasuka wahamba.

41Wadabula iSiriya leKilikhiya eqinisa amabandla.