Hubo 47 - Ndebele Bible (iBhayibhili Elingcwele) 1978

UNkulunkulu uyinkosi yomhlaba wonke

1Qakezani izandla zenu, lina zizwe zonke;

hlokomani kuNkulunkulu ngamahubo okuthokoza.

2Ngoba iNkosi ePhezukonke iyesabeka,

iyinkosi enkulu phezu komhlaba wonke.

3Yabehlisela abantu ngaphansi kwethu,

lezizwe yazibeka ngaphansi kwenyawo zethu.

4Yasikhethela ilizwe lethu,

udumo lukaJakobe emthandayo.

5UNkulunkulu wenyukile ngokuhlokoma,

iNkosi yenyukile ngokukhala kophondo.

6Hubelani uNkulunkulu, hubani amahubo.

Hubani eNkosini yethu, hubani amahubo.

7Ngoba uNkulunkulu uyinkosi yomhlaba wonke;

hubani amahubo.

8UNkulunkulu uyabusa izizwe;

uNkulunkulu uhlezi esihlalweni sakhe esingcwele sobukhosi.

9Izikhulu zabantu ziyabuthana

labantu bakaNkulunkulu kaAbrahama.

Ngoba izihlangu zomhlaba zingezikaNkulunkulu;

yena uphakeme kakhulu.