1Mina Pawuli, umphostoli kaKristu Jesu ngentando kaNkulunkulu ngokwesithembiso sokuphila okukuKristu Jesu,
2ngithi kuTimothi, umntanami othandekayo: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.UTimothi welulekwa ukuba azivuselele
3Ngiyambonga uNkulunkulu engimkhonzayo njengabokhokho bami ngesazela esimhlophe, lapho ngikukhumbula futhifuthi ekukhulekeni kwami.
4Ebusuku lemini ngilangatha ukukubona, ngikhumbula inyembezi zakho ukuze ngigcwaliswe yintokozo.
5Ngikhunjuzwe ukukholwa kwakho okuqotho okwaba khona kuqala kunyokokhulu uLowisi lakunyoko uYunike; yebo, ngithemba kukhona lakuwe.Seb 16:1
6Ngakhoke ngiyakukhu mbuza ukuba uvuselele isiphiwo sikaNkulunkulu esikhona kuwe ngokubekwa kwezandla zami.
7Ngoba uNkulunkulu kasinikanga umoya wobugwala, kodwa wasinika umoya wamandla lowothando lowokuzithinta.
8Ngalokhoke ungabi lanhloni lapho ufakazela iNkosi yethu, loba ngami isibotshwa sayo, kodwa hlanganyela ukuhluphekela ivangeli ngamandla kaNkulunkulu.
9Yena wasisilisa ngokubiza okungcwele, kungesikho ngokwemisebenzi yethu kodwa ngokwecebo lakhe langomusa asinika wona kuKristu Jesu ekudatshulweni kwesikhathi,
10osubonakalisiwe khathesi ngokubonakala koMsilisi wethu uKristu Jesu, owachitha ukufa, waletha ekukhanyeni ukuphila lokungabhubhi ngevangeli.
11Ngamiselwa lona ukuba ngibe ngumtshumayeli lomphostoli lomfundisi.1 Tim 2:7
12Ngalokhoke ngiyahlupheka; kodwa kangilamanhloni ngoba ngiyamazi engakholwa kuye, ngiyazi ukuthi ulamandla okulondoloza lokho anginike khona kuze kufike lolosuku.
13Bambelela kuso isibonelo samazwi aqotho owawezwayo kimi ngokukholwa langothando olukuKristu Jesu.
14Iqiniso oliphathisiweyo lilondoloze ngoMoya oNgcwele ohlezi kithi.
15Uyakwazi ukuthi bonke abaseAsiya bangihlamuka, abaphakathi kwabo ngoFigelo loHermogene.
16INkosi kayinike indlu kaOnesiforo umusa, ngoba wangithokozisa kanengi. Wayengelanhloni ngezibopho zami,
17kodwa ekufikeni kwakhe eRoma wangidingisisa waze wangifumana.
18INkosi imnike ukuba azuze isihawu eNkosini ngalolosuku. Konke ukusebenza kwakhe eEfesu uyakwazi wena kakhulu.
Who We AreWhat We EelieveWhat We Do
2025 by iamachristian.org,Inc All rights reserved.
