Jer 23 - Ndebele Bible (iBhayibhili Elingcwele) 1978

Ukubuya kwabaseleyo

1Maye kubo abelusi abachitha behlakaza izimvu zomhlambi wami! kutsho iNkosi.

2Ngalokho iNkosi, uNkulunkulu kaIsrayeli, ithi mayelana labelusi abelusa abantu bayo: Liwuhlakazile umhlambi wami, lawuxotsha, kaliwalusanga. Khangelani, ngizakwehlisela phezu kwenu umvuzo wezenzo zenu ezimbi, kutsho iNkosi.

3Ngizabutha eziseleyo emhlambini wami kuwo wonke amazwe lapho ngizixotshele khona, ngizibuyise futhi esibayeni sazo, zizazala, zande.

4Ngizakuzimisela abelusi abazakuzilondoloza; kazisayikwesaba, zitshaywe luvalo; futhi kakusayikulahleka leyodwa yazo, kutsho iNkosi.

5Khangela, insuku ziyeza, kutsho iNkosi, lapho ngizamhlumisela uDavida uGatsha olulungileyo; luzakubusa njengenkosi, lube lokuhlakanipha, lwenze ukulunga lobuqotho elizweni.

15Ngakho iNkosi yamabandla ithi mayelana labaprofethi:

Khangela, ngizabanika ukuba badle umhlonyane,

ngibanathise amanzi abulalayo;

ngoba kusukela kubaprofethi baseJerusalema

ububi buphumele kilo lonke ilizwe.

16INkosi yamabandla ithi: Lingawalaleli amazwi abaprofethi abawatshumayela kini belithembisa okuyize, bekhuluma imibono yengqondo zabo, kungesikho okuvela eNkosini.

17Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

18Ngubani phakathi kwabo owayekhona emhlanganweni weNkosi

ukuba alalele alizwe ilizwi layo na?

Ngubani owake waliqaphela walizwa na?

19Khangelani, ulaka lweNkosi lunjengesivunguzane,

luphumile, lunjengesiphepha esivunguzayo,

luzakwehlela phezu kwababi.

20Ulaka lweNkosi kaluyikudeda,

ize iphelelise izifiso zenhliziyo yayo.

Ensukwini zokucina lizakukuqedisisa lokhu.

21Kangibathumanga mina abaprofethi, kanti bagijima;

kangikhulumanga kibo, kodwa batshumayela.

22Kodwa uba babekhona emhlanganweni wami,

ngabe batshumayela amazwi ami ebantwini bami,

babanqande ezindleleni zabo ezimbi lasezenzweni ezimbi.

23NginguNkulunkulu eduze kuphela yini, kangisuye uNkulunkulu lakhatshana na? kutsho iNkosi.

24Umuntu angacatsha endaweni ezisithekileyo ukuze ngingamboni na? kutsho iNkosi. Angithi ngigcwele izulu lomhlaba na?

25Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

26Koze kube nini amanga ekhona enhliziyweni zabaprofethi abatshumayela amanga, betshumayela inkohliso zenhliziyo zabo,

27abacabanga ukwenza abantu bami ukuba bakhohlwe ibizo lami ngamaphupho abo abawaxoxayo, njengaboyise abalikhohlwayo ilizwi lami ngenxa kaBali?

28Umprofethi olephupho kalixoxe iphupho lakhe, kodwa olelizwi lami kalikhulume ilizwi lami ngeqiniso. Amakhoba ayini kulamabele ne? kutsho iNkosi.

29Ilizwi lami kalinjengomlilo yini lanjengesando esiqhekeza ilitshe na? kutsho iNkosi.

30Ngakho ngimelana labaprofethi abeba amazwi ami kwabanye, kutsho iNkosi.

31Ngimelana labaprofethi abasebenzisa inlimi zabo besithi iNkosi itsho lokhu lalokhu.

32Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

33Lapho omunye walababantu loba umprofethi ingabe umpristi ekubuza esithi: Iyini indaba yeNkosi na? Wena uzakuthi kibo: Yini eliyindaba, lokuthi ngizalilahla, kutsho iNkosi.

34Umprofethi lompristi loba omunye wabantu othi: Indaba yeNkosi; ngizamtshaya lowomuntu kanye lendlu yakhe.

35Lizakhulumisana ngalindlela, umakhelwana lomakhelwana, lomfowabo kumfowabo, lithi: INkosi iphendule yathini na? lokuthi: Itheni iNkosi?

36Kodwa ukuthi: Indaba yeNkosi; kalisayikukutsho lokhu. Ngoba umuntu otsho njalo impela kuzakuba yindaba kuye, ngoba liwahlanekela amazwi kaNkulunkulu ophilayo, amazwi eNkosi yamabandla, uNkulunkulu wethu.

37Nansi indlela yokukhuluma lomprofethi, lithi: INkosi iphendule yathini? loba: INkosi itheni?

38Kodwa uba lisithi: Indaba yeNkosi; iNkosi ithi: Uba lokhu lisebenzisa amazwi okuthi indaba yeNkosi, loba sengilitshelile ukuyekela ukutsho njalo,

39mina uqobo ngizalihluthuna, ngiliphosele khatshana lami, lina kanye lomuzi engawunika lina lokhokho benu,

40ngilehlisele ihlazo elingapheliyo lokuyangeka okungayikukhohlakala.