1Ngezwa ilizwi elikhulu limemeza lisithi: Sondelani lina elibulala umuzi, lonke liphathe izikhali zenu zokuchitha.
2Kwasekusiza amadoda ayisithupha evela ngasesangweni langaphezulu elikhangele ngasenyakatho, wonke ephethe izikhali zokubulala, ayehamba lomuntu ogqoke ilembu elihle elezinto zokubhala; angena, ema ngasealtareni lethusi.
3Inkazimulo kaNkulunkulu kaIsrayeli yasuka ngaphezu kwamakherubi lapho yayikhona, yayahlala emnyango wendlu. INkosi yasibiza umuntu owayegqoke ilembu elihle elezinto zokubhala,
4yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.Isam 7:3; 9:4; 14:1
5Ngezwa isithi kwabanye: Dabulani phakathi komuzi limlandele, libulale, lingayekeli, lingabi lasihawu,
6libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.
7INkosi yasisithi kibo: Ngcolisani ithempeli, ligcwalise amaguma alo ngezidumbu. Phumanike. Basebephuma, babulala abantu phakathi komuzi.
8Kwathi besababulala, ngasala ngedwa, ngathi mbo ngobuso, ngakhala ngathi: Hawu, Nkosi Nkulunkulu! Uzababulala bonke abaseleyo koIsrayeli ekwehliseleni kwakho ukuthukuthela phezu kweJerusalema na?
9Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.
10Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.
11Lowomuntu owayegqoke ilembu elihle elezinto zokubhala wabuya wazabika eNkosini wathi: Ngenzile njengokungilaya kwakho.
Who We AreWhat We EelieveWhat We Do
2025 by iamachristian.org,Inc All rights reserved.
