1Ngabuya ngaphakamisa amehlo ami, ngabona umqulu wencwadi ondizayo.
2Isithunywa sathi kimi: Ubonani? Ngaphendula ngathi: Ngibona umqulu wencwadi ondizayo; ubude bawo buzingalo ezingamatshumi amabili, lobubanzi bawo buzingalo ezilitshumi.
3Sasesisithi kimi: Lokhu kuyisiqalekiso esiphumela emhlabeni wonke; ngoba ngokutsho kwaso umuntu owebayo uzakulahlwa, langokutsho kwaso wonke umuntu ofunga amanga uzakulahlwa.
4Ngizasithumela, kutsho iNkosi yamabandla, singene endlini yesela lendlini yalowo ofunga amanga ngebizo lami, sihlale endlini yakhe, siyidilize, izigodo lamatshe.
Owesifazana osefatshini5Sasesisondela isithunywa esasikhuluma lami, sathi kimi: Phakamisa amehlo akho, ubone ukuthi kuyini lokhu okuvelayo.
6Ngasengisithi: Kuyini? Sathi: Yifatshi enkulu le evelayo. Sathi: Lokhu kuyibubi babantu elizweni lonke.
7Isisibekelo somnuso sasuswa; kwakukhona owesifazana ehlezi phakathi kwefatshi.
8Isithunywa sasesisithi: Lokhu kuyiBubi. Sasesimsunduzela phakathi kwefatshi, sayisibekela ifatshi ngesisibekelo somnuso.
9Ngasengiphakamisa amehlo ami, ngabona abesifazana ababili besiza, belezimpiko ezifana lezengabuzane. Babephapha emoyeni, bayiphakamisela phezulu ifatshi.
10Ngasengisithi kuso isithunywa esasikhuluma lami: Bayisa ngaphi ifatshi?
11Sona sathi: Bayisa elizweni laseShinari ukuyakhela indlu khona; lapho isiyakhiwe, bazayibeka phezu kwesisekelo sayo.
Who We AreWhat We EelieveWhat We Do
2025 by iamachristian.org,Inc All rights reserved.
