Mal 1 - Ndebele Bible (iBhayibhili Elingcwele) 1978

Uthando lweNkosi kuJakobe

1Nanti ilizwi leNkosi kuIsrayeli ngoMalaki.

2Ngilithandile, kutsho iNkosi. Kodwa lina lithi: Usithande kanjani na? UEsawu kasuye umfowabo kaJakobe na? kutsho iNkosi. Kanti ngamthanda uJakobe,Roma 9:13 Isa 34:5–17; 63:1–6; Jer 49:7–22; Hez 25:12–14; 35:1–15; Amos 1:11, 12; Obad 1–14

3uEsawu ngamzonda; ngalichitha ilizwe lakhe elilamaqaqa, lelifa lakhe ngalinika amakhanka asenkangala.

4Uba abakoEdoma, abantwana bakaEsawu, besithi: Imizi yethu ichithiwe, kodwa sizabuya siyakhe; iNkosi yamabandla ithi: Bangakha, kodwa mina ngizadilizela phansi, baze babizwe ngokuthi yilizwe elibi, labantu iNkosi ebathukutheleleyo kokuphela.

5Lizakubona lokhu ngamehlo enu, beselisithi: Ubukhulu beNkosi bufika langaphandle kwakoIsrayeli.

INkosi ikhuza abapristi

6INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

7Ngithi: Ngokunikela ukudla okungcolileyo phezu kwealtare lami. Beselisithi: Sikungcolise kanjani na? Ngithi: Ngokucabanga ukuba itafula yeNkosi ingadeleleka.

8Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.Dute 15:21

9Ake lincenge uNkulunkulu ukuba abe lomusa kithi. Uba linika isipho esinjalo, uzakuba lomusa kini na? kutsho iNkosi yamabandla.

10Kungathi ngabe ukhona phakathi kwenu ongavala izivalo, ukuba lingabasi imililo elize phezu kwealtare lami. Kangithokozi ngani, kutsho iNkosi yamabandla, kangiyikwamukela iminikelo evela kini.

11Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

12Kodwa lina liyalona ngokuthi itafula yeNkosi ingangcoliswa, langokuthi linganikela phezu kwayo ukudla elikudelelayo.

13Lichila amakhala, kutsho iNkosi yamabandla, beselisithi: Yeka ukudinisa kwalokhu! Liletha okwebiweyo, lokuqhulayo, lokugulayo, kube ngumnikelo wenu. Ngizakwamukela lokho kini na? kutsho iNkosi.

14Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.