2 Sam 6 - Ndebele Bible (iBhayibhili Elingcwele) 1978

Umtshokotsho wesivumelwano seNkosi ulethwa eJerusalema

1UDavida wabuya wabuthanisa futhi bonke abakhethiweyo bakoIsrayeli abazinkulungwane ezingamatshumi amathathu.

12Inkosi uDavida yabikelwa kwathiwa: INkosi uNkulunkulu iyibusisile indlu kaObedi‐Edoma lakho konke okwakhe ngenxa yomtshokotsho kaNkulunkulu. Ngakho uDavida wasesiyawuthatha umtshokotsho kaNkulunkulu endlini kaObedi‐Edoma, wawuletha emzini kaDavida ethokoza.

13Kwakusithi lapho labo abathwele umtshokotsho weNkosi sebehambile izinyathelo eziyisithupha, ahlabe inkabi lethole elinonisiweyo.

14UDavida wasina phambi kweNkosi ngamandla akhe wonke; wayegqoke ingubo yamahlombe yelembu elihle.

15Ngokunjaloke uDavida layo yonke indlu yakoIsrayeli bawuletha umtshokotsho weNkosi ngokumemeza langokukhala kophondo.

16Kwathi lapho umtshokotsho weNkosi ungena emzini kaDavida, uMikhali indodakazi kaSawuli walunguza ngewindi, wabona inkosi uDavida egiya, esina phambi kweNkosi, wayeyisa enhliziyweni yakhe.

17Bawuletha umtshokotsho weNkosi, bawubeka endaweni yawo phakathi kwethente uDavida ayelimisele wona; uDavida wasenikela iminikelo yokutshiswa leminikelo yokuthula phambi kweNkosi.

18UDavida eseqedile ukunikela iminikelo yokutshiswa leminikelo yokuthula, wabusisa abantu ebizweni leNkosi yamabandla.

19Wababela abantu bonke bakoIsrayeli, abesilisa labesifazana, kwaba yilowo lalowo isinkwa, leqatha lenyama, lesinkwa sezithelo zevini ezomisiweyo. Basebehambake abantu bonke, baya emakhaya abo.1 Lan 16:43

20UDavida wasebuya ekhaya ukubusisa indlu yakhe. UMikhali indodakazi kaSawuli waphuma ukuhlangabeza uDavida, wathi: Yeka udumo lwenkosi yakoIsrayeli lamuhla, ezambule phambi kwencekukazi zenceku zayo njengomuntu olilema!

21UDavida wathi kuMikhali: Bekuphambi kweNkosi eyangikhetha phambi kukayihlo laphambi kwendlu yakhe yonke, yangimisa ukuba ngibe ngumbusi koIsrayeli, abantu beNkosi; isibili ngizathokoza phambi kweNkosi.

22Ngikhona ngisazadeleleka kulalokhu, ngehliselwe phansi emehlweni akho; kodwa incekukazi okhulume ngazo zizangihlonipha.

23UMikhali indodakazi kaSawuli kabanga lamntwana waze wafa.