2 Lan 5 - Ndebele Bible (iBhayibhili Elingcwele) 1978

1Kwathi usuphelile wonke umsebenzi uSolomoni ayewenza ethempelini, wangenisa izinto uyise uDavida ayezahlukanisele iNkosi, isiliva legolide lazo zonke izitsha, wazibeka enothweni yethempeli likaNkulunkulu.Ukungeniswa komtshokotsho wesivumelwano ethempelini

2USolomoni wasebuthanisa eJerusalema abadala bakoIsrayeli lazo zonke izinduna zezizwe eziyizikhulu zezindlu zabakoIsrayeli, ukuba bakhuphe umtshokotsho wesivumelwano seNkosi emzini kaDavida othiwa yiZiyone.1 Kho 8:1–53 2 Sam 6:12–15; 1 Lan 15:25–28

3Bonke abantu bakoIsrayeli babuthana enkosini ngesikhathi somkhosi owenyanga yesikhombisa.

4Beza bonke abadala bakoIsrayeli, amaLevi awuthwala umtshokotsho wesivumelwano,

5awuletha kanye lethente lokuhlangana, lazo zonke izitsha ezingcwele ezazisethenteni ethempelini.

6Inkosi uSolomoni lalo lonke ibandla lakoIsrayeli elalibuthene babephambi komtshokotsho benikela imihlatshelo yezimvu lezinkabi ezingelakubalwa ngobunengi bazo.

7Abapristi basebewungenisa umtshokotsho wesivumelwano seNkosi endaweni yawo, endlwaneni engaphakathi eyindawo engcwele kakhulu, bawubeka ngaphansi kwempiko zamakherubi.

8Ngoba amakherubi elulela impiko zawo phezu kwendawo yomtshokotsho, awembesa umtshokotsho lezigodo zawo.

9Izigodo zazinde kakhulu, izihloko zazo zikhanya ngasendaweni engcwele engaphambi kwendlu engaphakathi, kodwa zingabonakali ngaphandle; zikhona lapho kuze kube lamhla.

10Kwakungelalutho emtshokotshweni, kuphela amatshe amabili uMose awafaka khona eHorebe lapho iNkosi yenza khona isivumelwano labakoIsrayeli ekuphumeni kwabo eGibithe.Dute 10:5

11Kwathi lapho sebephuma abapristi endaweni engcwele — ngoba bonke abapristi ababekhona babezihlambulule bengalandelanga izigaba zabo —

12abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

13Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa:

Ngoba ilungile,

uthando lwayo olungapheliyo lumi kuze kube nininini;

indlu yagcwala intuthu yeyezi,Eks 40:34, 35 1 Lan 16:34; 2 Lan 7:3; Ezra 3:11; Hubo 100:5; 106:1; 107:1; 116:1; 136:1; Jer 33:11

14baze bahluleka abapristi ukuma, bakhonze khona ngenxa yentuthu; ngoba inkazimulo yeNkosi yagcwala ithempeli.