1Ilizwi lweNkosi lafika kuJeremiya lathi:
2Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.
3INkosi yamabandla, uNkulunkulu wakoIsrayeli, ithi: Lungisani indlela zenu lezenzo zenu, ng’khona ngizaliyekela ukuba lihlale kulindawo.
4Lingathembi amazwi la akhohlisayo okuthi: Leli lithempeli leNkosi, ithempeli leNkosi, ithempeli leNkosi.
5Ngoba uba lilungisa indlela zenu lezenzo zenu isibili, uba lisenza ukulunga impela phakathi kwenu,
6uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,
7ngizakuliyekela ukuba lihlale kulindawo, elizweni engalinika okhokho benu kusukela endulo kuze kube nininini.
8Khangelani, lithemba amazwi akhohlisayo angelakusiza.
9Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,
10beselisiza ukuba lime phambi kwami kulindlu lapho ibizo lami lidunyiselwa khona, lithi: Sikhululwe! Kodwa liqhubeke ukwenza zonke lezizinengiso.
11Lindlu, lapho ibizo lami lidunyiselwa khona, isiphenduke yaba lubhalu lwabaphangi emehlweni enu na? Khangelani, mina uqobo sengikubonile lokho, kutsho iNkosi.
Who We AreWhat We EelieveWhat We Do
2025 by iamachristian.org,Inc All rights reserved.
