1UBowasi wasesuka esiya enkundleni, wahlala phansi khona. Kwasekudlula isihlobo leso esiseduze ayekhulume ngaso. UBowasi wasesithi: Akuphambukele lapha, mngane, uhlale phansi lapha. Wasephambuka, wahlala phansi.
2Wasebiza abadala bomuzi abalitshumi, wathi kubo: Ake lihlale phansi lapha. Balebehlala phansi.
3Wasesithi kulesosihlobo: UNawomi osebuyile elizweni laseMowabi uthengisa isiqinti selizwe esasingesikaElimeleki isihlobo sethu.
4Ngakho ngithande ukukutshela ngakho ngithi: Sithenge phambi kwalaba abahlezi lapha laphambi kwabadala babantu bakithi. Uba ungasihlenga, sihlenge. Kodwa uba kukwahlula, ungitshele, ukuba lami ngazi, ngoba kakho omunye ngaphandle kwakho ongasihlenga; mina ngiza emva kwakho. Yena wathi: Ngizasihlenga.
5UBowasi wasesithi kuye: Mhla uthenga lesosiqinti kuNawomi, uzakuthenga loRuthe waseMowabi ongumfelwakazi, ukuze umise ibizo lomuyi elifeni lakhe.
6Lesosihlobo sasesisithi: Ngingeke ngazihlengela sona, funa ngone ilifa lami. Zithathele wena ilungelo lami, ngoba mina kangilamandla okusihlenga.
7Kulezonsuku zakuqala lapho kwakuhlengwa loba kusenanwa impahla, kwakungumkhuba ukuba umuntu othengisayo akhuphe inyathelo lakhe, alinike lowo othengayo. Le yayiyindlela yokuqinisa koIsrayeli.
13Ngakho uBowasi wasemthatha uRuthe, waba ngumkakhe. INkosi yambusisa, wasethatha isisu, wazala indodana.
14Abesifazana bathi kuNawomi: Kayibongwe iNkosi engakutshiyanga lamhla ungelasihlobo. Kungathi ibizo lomuyi lingahlala likhona koIsrayeli!
15Lumntwana uzakukunika ukusila okutsha, akondle ebudaleni bakho, ngoba umalokazana wakho okuthandayo, omkhulu kuwe kulamadodana ayisikhombisa, umzele.
16UNawomi wasemthatha umntwana, wamgona esifubeni sakhe, waba ngumlizane wakhe.
17Abesifazana abakhelene laye bamutha ibizo bathi nguObedi besithi: UNawomi uselendodana. Nguye owaba nguyise kaJese, uyise kaDavida.
18Nanzi izizukulwana zikaPerezi. UPerezi wazala uHezironi,
19uHezironi wazala uRamu, uRamu wazala uAminadaba,
20uAminadaba wazala uNashoni, uNashoni wazala uSalimoni,
21uSalimoni wazala uBowasi, uBowasi wazala uObedi,
22uObedi wazala uJese, uJese wazala uDavida.
Who We AreWhat We EelieveWhat We Do
2025 by iamachristian.org,Inc All rights reserved.
