Ingoma Yezingoma 1 - Ndebele Bible (iBhayibhili Elingcwele) 1978

1Ingoma kaSolomoni enhle kulazo zonke.Umlobokazi:

2Kangange ngomlomo wakhe!

Uthando lwakho lungcono kulewayini.

3Iphunga lamagcobo akho limnandi,

lebizo lakho lihle njengamagcobo amnandi;

ngakhoke izintombi ziyakuthanda.

4Ngidonsa, sigijime;

ungingenise endlini yakho, nkosi.

Abakhaphi:

Sizekujabula sithokoze ngawe,

sibabaze uthando lwakho ukwedlula iwayini;

kufanele ukuba uthandwe.

Umlobokazi:

5Ngimnyama, kodwa ngimuhle,

lina madodakazi aseJerusalema,

njengamathente aseKedari lamaveli aseShalima.

6Lingangibukeli ngoba ngimnyama,

ngoba lilanga elingitshisileyo.

Abanewethu bangizondela,

bangenza umlindi wezivini;

kodwa isivini sami kangisilindanga.

7Akungitshele, wena engikuthandayo, ukuba welusela ngaphi,

lokuba uwuphumuza ngaphi umhlambi wakho emini;

ukuze ngingabi njengozulayo emihlambini yabanakwenu.

Umyeni:

8Uba ungazi, wena omuhle kakhulu phakathi kwabesifazana,

landela umzila womhlambi,

walusele amazinyane akho phansi kwamathente abelusi.

9Ngikufanisa lebhiza elihle elidonsa inqola kaFaro,

wena sithandwa sami.

10Izihlathi zakho zinhle phakathi kwezigqizo,

lentamo yakho yinhle ngamangqongqo ayo.

Abakhapi:

11Sizakwenzela izigqizo zegolide ezibalazwe ngesiliva.

Umlobokazi:

12Inkosi isacambalele embhedeni wayo

amakha ami akhupha iphunga lawo.

13Isithandwa sami kimi sinjengesamba semure

siqamele esifubeni sami.

14Isithandwa sami sinjengehlukuzo lempoko zesihlahla sehena kimi

esisezivinini zaseEngedi.

Umyeni:

15Khangela, umuhle wena, sithandwa sami,

yebo, umuhle kangaka,

amehlo akho anjengamajuba.

Umlobokazi:

16Khangela, umuhle wena, sithandwa sami,

impela uyabukeka.

Utshani obuluhlaza bulicansi lethu.

17lemikusu izinsika zendlu yethu,

lamaphane azithungo zayo.