Hubo 140 - Ndebele Bible (iBhayibhili Elingcwele) 1978

Umkhuleko wokucela ukulondolozwa

1Ngikhulula, Nkosi, ebantwini ababi,

ungilondoloze ebantwini abalesihluku,

2abaceba okubi enhliziyweni zabo,

abavusa ingxabano njalonjalo.

3Balola inlimi zabo zibe bukhali njengezenyoka,

endebeni zabo kulobuhlungu bamabululu.

4Ngivikela, Nkosi, ezandleni zababi,

ungilondoloze ebantwini abalesihluku

abaceba ukukhuba inyawo zami.

5Abantu abazigqajayo bangithiyile ngomjibila,

bendlala imbule labo;

bangithiya eceleni kwendlela.

6Ngithi eNkosini: Wena unguNkulunkulu wami.

Zwana ilizwi lokunxusa kwami, Nkosi.

7Nkosi, Nkosi yami, mkhululi wami olamandla,

uvikele ikhanda lami osukwini lokulwa.

8Ungazivumeli, Nkosi, izifiso zababi,

ungawaphumelelisi amacebo abo.

9Labo abangihanqileyo kabangangahluli;

kabubuyele kibo ububi bomlomo wabo.

10Amalahle atshisayo awele phezu kwabo,

bawiselwe emgodini, bangaphindi bavuke.

11Abahlebayo kabangabi landawo elizweni;

ububi kabumzingele abulawe olesihluku.

12Ngiyazi ukuthi iNkosi iyayimela indaba yohluphekayo,

iyabenzela ukulunga abayanga.

13Impela abalungileyo bazalidumisa ibizo lakho;

labaqotho bazakuhlala phambi kwakho.