1Mina Pawuli, umphostoli ongamiswanga ngabantu loba ngezandla zomuntu, kodwa nguJesu Kristu languNkulunkulu uYise owamvusa kwabafileyo,
2labazalwane bonke abalami, sithi kuwo amabandla aseGalathiya:
3Kakube kini umusa lokuthula okuvela kuNkulunkulu uBaba laseNkosini yethu uJesu Kristu
4owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;
5kakube kuye ubukhosi kuze kube nininini. Ameni.
Ukuhlamuka kwabaseGalathiya evangelini likaKristu6Ngiyamangala ngoba limhlamuke masinyane kangaka yena owalibizela emuseni kaKristu, liye kwelinye ivangeli;
7kungesilo elinye, kodwa bakhona abalididayo bethanda ukuhlanekela ivangeli likaKristu.
8Kodwake loba kungaba yithi, loba isithunywa esivela ezulwini esilitshumayeza ivangeli eliphambene lalelo esalitshumayeza lona, kabe ngoqalekisiweyo.
9Njengoba sengitshilo, ngiyaphinda futhi ngithi: Uba umuntu elitshumayeza ivangeli eliphambene lalelo elalamukelayo, kabe ngoqalekisiweyo.
UPawuli walizuza kuKristu ivangeli10Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.
11Ngoba ngithanda ukuba lazi, bazalwane, ukuthi ivangeli elatshunyayelwa yimi kayisilo elivela ebantwini.
12Lami kangilamukelanga emuntwini, futhi kangilifundiswanga, kodwa ngalizuza ngokwambulelwa nguJesu Kristu.
13Selizwile ngokuhamba kwami kwakuqala ekukholweni kobuJuda, ukuthi ngalizingela kakhulu ibandla likaNkulunkulu, ngazama ukulichitha;Seb 8:3; 22:4–5; 26:9–11
14njalo ekukholweni kobuJuda ngabadlula abanengi abayintanga yami kwabakithi, ngatshisekela kakhulu amasiko abokhokho.Seb 22:3
15Kodwa kwaba kuhle kuNkulunkulu owangahlukanisela ngingakazalwa, wangibiza ngomusa wakhe,Seb 9:3–6; 22:6–10; 26:13–18
16ukuba ayambule iNdodana yakhe kimi, ukuze ngiyitshumayele phakathi kwabezizwe. Khona lapho kangibuzanga emuntwini,
17futhi kangiyanga eJerusalema ukubonana lalabo ababengabaphostoli ngaphambi kwami, kodwa ngasuka ngaya eArabiya, ngaphinda ngabuyela eDamaseko.
18Kwathi emva kweminyaka emithathu ngaya eJerusalema ukubonana loKefasi; ngahlala laye insuku ezilitshumi lanhlanu.Seb 9:26–30
19Kodwa kangibonanga lamunye kwabanye abaphostoli, kuphela uJakobe umfowabo weNkosi.
20Kulokhu engililobela khona kangiqambi manga phambi kukaNkulunkulu.
21Ng’khona ngaya emazweni aseSiriya laseKilikhiya.
22Ngangingakaziwa ngamehlo emabandleni kaKristu aseJudiya;
23ayesizwa nje kuthiwa: Lowo owayesizingela usetshumayela ukukholwa ayekade ezama ukukuchitha.
24Adumisa uNkulunkulu ngenxa yami.
Who We AreWhat We EelieveWhat We Do
2025 by iamachristian.org,Inc All rights reserved.
