Mat 13 - Ndebele Bible (iBhayibhili Elingcwele) 1978

Umfanekiso womhlanyeli(Mark 4:1–9; Luka 8:4–8)

1Ngalolosuku uJesu waphuma endlini, wahlala phansi ngasolwandle.

2Kwabuthana kuye amaxuku amakhulu, waze wangena emkolweni, wahlala phansi; labantu bonke bema okhunjini.

15ngoba inhliziyo yalesisizwe seyaba lukhuni,

lendlebe zabo zizwa kalukhuni,

lamehlo abo bawacimezile, funa babone ngamehlo abo,

bezwe ngendlebe zabo,

baqedisise ngenhliziyo zabo,

baphenduke, ngibasilise.

16Kodwa abusisiwe amehlo enu ngoba ayabona, lendlebe zenu ngoba ziyezwa.

36Wasetshiya amaxuku wangena endlini. Basondela kuye abafundi bakhe, bathi: Sichasisele umfanekiso womfaba ensimini.

37Wabaphendula wathi: Ohlanyela inhlanyelo enhle yiNdodana yomuntu;

38insimu ngumhlaba; inhlanyelo enhle yibo abantwana bombuso; kodwa umfaba ungabantwana bakaSathane;

39lesitha esawuhlanyelayo nguSathane; ukuvuna kuyikuphela kwesikhathi; labavunayo bayizithunywa.

40Ngakhoke njengalokhu umfaba uyabuthwa, utshiswe emlilweni, kuzakuba njalo ekupheleni kwalesisikhathi.

41INdodana yomuntu izakuthuma izithunywa zayo, zibuthe, zikhuphe embusweni wayo konke okukhubekisayo lalabo abenza okubi,

42zibaphosele eziko lomlilo; lapho kuzakuba khona ukukhala lokugedla amazinyo.

43Kung’khonake abalungileyo bazakukhanya njengelanga embusweni kaYise wabo. Olendlebe akezwe.

Umfanekiso wenotho, lowamangqongqo aligugu lowembule

44Umbuso wezulu unjengenotho efihliweyo ensimini, eyafunyanwa ngumuntu, wayifihla; ekuthokozeni kwakhe ahambe, athengise konke alakho athenge leyonsimu.

45Futhi umbuso wezulu unjengomuntu ongumthengi ofuna amangqongqo aligugu elikhulu;

46esefumene amanye amangqongqo aligugu alenani elikhulu, wasuka wathengisa konke alakho, wawathenga.

47Futhi umbuso wezulu unjengembule elaphoswa olwandle, labutha zonke inhlobo zenhlanzi;

48lithe seligcwele, balidonsela okhunjini, bahlala phansi, babuthela ezilungileyo ezitsheni, kodwa ezimbi bazilahla.

49Kuzakuba njalo ekupheleni kwesikhathi; izithunywa zizakuphuma, zahlukanise ababi kwabalungileyo,

50zibaphosele ababi emlilweni obhebhayo; lapho kuzakuba khona ukukhala lokugedla amazinyo.

51Seliziqedisisile zonke lezizinto na? Bathi kuye: Yebo.

52Wathi kubo: Ngakhoke ilowo lalowombhali ofundiselwe umbuso wezulu unjengomuntu ongumnumzana okhupha enothweni yakhe okutsha lokudala.

UJesu udelelwa emzini wakibo(Mark 6:1–6; Luka 4:16–30)

53Kwathi uJesu eseqedile limifanekiso wasuka lapho.

54Wafika emzini wakibo, wabafundisa esinagogeni labo, baze bamangala, bathi: Lo ukuthatha ngaphi lokhukuhlakanipha lalimisebenzi yamandla na?

55Lo kasiyo indodana yombazi na? Unina kathiwa nguMariya yini, labafowabo kayisibo oJakobe loJosefa loSimoni loJudasi na?

56Lodadewabo kabakho lapha bonke kithi na? Pho, lo uzithatha ngaphi zonke lezizinto na?

57Bakhubeka ngaye. UJesu wasesithi kubo: Umprofethi kasweli ukudunyiswa ngaphandle kwaselizweni lakibo lasendlini yakwabo.Joha 4:44

58Kenzanga lapho imisebenzi eminengi yamandla ngenxa yokungakholwa kwabo.