1Ngalesosikhathi uMerodakiBaladani, indodana kaBaladani inkosi yaseBabiloni, wathumela izithunywa zilezincwadi lesipho kuHezekiya, ngoba wayezwile ukuthi ubekade egula, usesilile.2 Kho 20:12–19
2UHezekiya wazamukela, wazitshengisa yonke indlu yakhe yenotho, isiliva legolide, lamakha lamafutha amahle, lezikhali zakhe, lakho konke okwakukhona ezindlini zakhe zokugcina impahla; kakubanga khona lokukodwa endlini yakhe lakuwo wonke umbuso wakhe angazitshengisanga khona.
3UIsaya umprofethi wasesiya enkosini uHezekiya, wathi kuyo: Batheni lababantu na? Futhi bebevela ngaphi? UHezekiya wathi: Bafikile kimi bevela elizweni elikhatshana, kwelaseBabiloni.
4UIsaya wasesithi: Baboneni endlini yakho na? UHezekiya waphendula wathi: Babone konke okukhona endlini yami; kakulalutho ezindlini zami zokugcina impahla engingabatshengisanga lona.
5UIsaya wasesithi kuHezekiya: Zwanake ilizwi leNkosi yamabandla,
6uthi: Insuku ziyeza lapho konke okusendlini yakho, lalokho konke okhokho bakho abakugcinayo kuze kube lamhla, kuzathwalelwa eBabiloni, kakuyikusala lutho, kutsho iNkosi.
7Amanye amadodana akho owazeleyo azakuthunjwa, abe ngabathenwa esigodlweni senkosi yaseBabiloni.Dan 1:1–7; 2 Kho 24:10–16; 2 Lan 36:10
8UHezekiya wasesithi kuIsaya: Ilizwi leNkosi olikhulumileyo lilungile. Ngoba wacabanga wathi: Kuzakuba khona ukuthula lokuvikeleka ensukwini zami.
Who We AreWhat We EelieveWhat We Do
2025 by iamachristian.org,Inc All rights reserved.
