1 Lan 26 - Ndebele Bible (iBhayibhili Elingcwele) 1978

Izigaba zabalindi bamasango lezabaphathi bemisebenzi

1Nanzi izigaba zabalindi bamasango. KwabakoKora kwakunguMeshelemiya indodana kaKore kaEbiyasafi.

2UMeshelemiya wayelamadodana, izibulo lakhe linguZekariya, elandelwa nguJediyayeli, kulandela uZebadiya, kulandela uJathiniyeli,

3kulandela uElamu, kulandela uJehohanani, kulandela uEliyeho‐Enayi.

4UObedi‐Edoma wayelamadodana, izibulo linguShemaya, elandelwa nguJehozabadi, kulandela uJowa, kulandela uSakari, kulandela uNethaneli,2 Sam 6:11; 1 Lan 13:14

5kulandela uAmiyeli, kulandela uIsakari, kulandela uPewulithayi; ngoba uNkulunkulu wayembusisile.

6Lendodana yakhe uShemaya wazala amadodana ayezinhloko zezindlu, ngoba ayengamadoda ahlakaniphileyo.

7Amadodana kaShemaya ayengoOthini loRefayeli loObedi loElizabadi, labafowabo uElihu loSemakhiya ababengamadoda alamandla.

8Bonke laba babengamadodana kaObedi‐Edoma, bona lamadodana abo lezihlobo zabo bengamadoda ahlakaniphileyo ayewufanele umsebenzi, bengamatshumi ayisithupha lambili.

9UMeshelemiya wayelamadodana lezihlobo, amadoda alamandla elitshumi lesificaminwembili.

10UHosha owakoMerari wayelamadodana, uShimiri engomkhulu; ngoba lanxa wayengesilo izibulo, uyise wamenza waba ngomkhulu;

11walandelwa nguHilikiya, kulandela uTebaliya, kulandela uZekariya; wonke amadodana lezihlobo zikaHosa babelitshumi lantathu.

12Abalindi bamasango babehlukaniswe izigaba ngosendo lwabo, banikwa umsebenzi ethempelini ofanana lowezihlobo zabo.

13Benza inkatho ngesango ngesango ngezindlu zabo abancinyane labakhulu ngokufananayo.

14Inkatho yesango langasempumalanga yadla uShelemiya; basebesenza inkatho ngoZekariya indodana yakhe, umeluleki ohlakaniphileyo, wadliwa yinkatho yesango langasenyakatho.

15UObedi‐Edoma wadliwa yinkatho yesango langaseningizimu; amadodana akhe kwathiwa kawalinde isiphala.

16UHosa wadliwa yinkatho yesango langasentshonalanga, leyesango laseShalekethi elingasemgwaqweni oya phezulu. Kwalinda abalindi ngabalindi.

17Ngasempumalanga babeyisithupha insuku zonke, ngasenyakatho bebane langaseningizimu bebane, kanye lababili ngababili esiphaleni,

18laseParibari ngasentshonalanga babebane emgwaqweni bebabili eParibari uqobo.

19Yizo lezo izigaba zabalindi bamasango phakathi kwamadodana kaKorahi laphakathi kwamadodana kaMerari.

20AmaLevi, izihlobo zabo, ayephethe inotho yethempeli lenotho yezinto ezingcwele.

21Emadodaneni kaLadani awosendo lwabakoGerishoni ayezalwa nguLadani, inhloko zezindlu esigabeni sikaLadani owakoGerishoni,

22uJehiyeli labafowabo uZethamu loJoweli babephethe inotho yethempeli.

23KwabakoAmramu labakoIzihari labakoHebroni labakoUziyeli

24uShebuweli indodana kaGereshoma kaMose wayephethe inotho.

25Usendo lomfowabo uEliyezeri lwalungoRehabiya, loJeshaya kaRehabiya, loJoramu kaJeshaya, loZikiri kaJoramu, loShelomothi kaZikiri.

26UShelomothi lezihlobo zakhe babephethe inotho yonke yezinto ezingcwele uDavida inkosi, lezinhloko zezindlu, lezinduna zezinkulungwane lezinduna zamakhulu, labaphathi bempi, ababezahlukanisele uNkulunkulu.

27Empangweni yempi banikela izipho zokulungisa ithempeli.

28Konke uSamuweli umboni loSawuli kaKishi loAbineri kaNeri loJowabi kaZeruya ababenikele ngakho, yebo, zonke izinto ezingcwele zaziphethwe nguShelomothi lezihlobo zakhe.

29KwabakoIzihari uKenaniya lamadodana akhe babephethe umsebenzi wangaphandle koIsrayeli beyizinduna labahluleli.

30KwabakoHebroni uHashabiya lezihlobo zakhe, amadoda alamandla ayinkulungwane lamakhulu ayisikhombisa, babevikela uIsrayeli ngasentshonalanga kweJordani ezintweni zonke zomsebenzi kaNkulunkulu lowenkosi.

31KwabakoHebroni uJeriya wayengomkhulu — Ngomnyaka wamatshumi amane wokubusa kukaDavida kwadingwa phakathi kwezizukulwana zabakoHebroni; kwafunyanwa amadoda alamandla amakhulu phakathi kwazo eJezeri laseGileyadi —

32Inkosi uDavida yakhetha amadoda alamandla ayizinkulungwane ezimbili lamakhulu ayisikhombisa, ayizihlobo zikaJeriya lezinhloko zezindlu, wawenza abaphathi babakoRubeni labakoGadi labengxenye yesizwe sakoManase ezintweni zonke zomsebenzi kaNkulunkulu lowenkosi.