Hubo 122 - Ndebele Bible (iBhayibhili Elingcwele) 1978

Ukukhulekela ukuthula kweJerusalema

1Ngathokoza lapho besithi kimi:

Asiye endlini yeNkosi.

2Khathesi inyawo zethu zimi

emasangweni akho, Jerusalema.

3Wena, Jerusalema,

wakhiwe waba ngumuzi ohlangene waqina,

4lapho izizwe zenyukela khona,

izizwe zeNkosi, njengokumiselwa kwabakoIsrayeli,

ukuba zibonge ibizo leNkosi.

5Kwamiswa khona izihlalo zokwahlulela,

izihlalo zobukhosi zendlu kaDavida.

6Khulekelani ukuthula kweJerusalema,

lithi: Kungathi abakuthandayo bangaphumelela!

7Kakube khona ukuthula ngaphakathi kwemiduli yakho,

lokulondolozeka ngaphakathi kwezinqaba zakho.

8Ngenxa yabafowethu labangane bami ngizakuthi:

Kakube khona ukuthula kuwe.

9Ngenxa yendlu yeNkosi uNkulunkulu wethu

ngizakukucelela okuhle.